జూనియర్ ఆర్టిస్ట్ గా పూరి జగన్, వీడియో షేర్ చేసిన వర్మ

ప్రముఖ టాలీవుడ్ దర్శకుడు పూరి జగన్నాథ్ తన కెరీర్ ప్రారంభంలో అసెస్టెంట్ డైరక్టర్ గా పనిచేసిన సంగతి తెలిసిందే. ఆయన రామ్ గోపాల్ వర్మ తో దగ్గర పనిచేసారు. అంతేకాదు వర్మ సినిమాల్లో చిన్న చిన్న పాత్రలు చేసారు. ఆ విషయం వర్మ ఈ రోజు గుర్తు చేస్తూ ఓ వీడియో షేర్ చేసారు.

రామ్ గోపాల్ వర్మ దర్శకత్వంలో వచ్చిన శివ చిత్రం హిందీ రీమేక్ లో పూరి జగన్నాథ్ కొద్ది సేపు కనిపిస్తారు. అదీ బోటనీ పాఠముంది… పాటలో మాత్రమే పూరీ కన్పిస్తారు. ఈ విషయాన్ని వీడియోతో సహా ట్విటర్‌లో పంచుకున్నారు దర్శకుడు రాంగోపాల్‌ వర్మ. అప్పటి జూనియర్‌ ఆర్టిస్ట్‌.. ఇప్పుడు సినిమా దర్శకుడు అంటూ ట్వీట్‌ చేశారు.

దీనిపై పూరీ స్పందిస్తూ.. అవును, అందులో డ్యాన్స్‌ చేస్తోంది నేనేనంటూ రీ ట్వీట్‌ చేశారు. వర్మ పంచుకున్న ఈ వీడియోలో నీలి రంగు షర్ట్‌లో ఉన్న పూరీ జగన్నాథ్‌ మిగతావారితోపాటు పాటలో స్టెప్పులేస్తూ కనిపిస్తారు. టాలెంట్‌ ఉంటే ఏదైనా సాధించవచ్చు అనడానికి దర్శకుడు పూరీ జగన్నాథ్‌ నిదర్శనమంటూ రాంగోపాల్‌ వర్మ అభినందించారు.