మెగాస్టార్ చిరంజీవి హీరోగా బాలీవుడ్ బిగ్గెస్ట్ స్టార్ సల్మాన్ ఖాన్ కీలక పాత్రలో చేస్తున్న లేటెస్ట్ చిత్రం “గాడ్ ఫాదర్” కోసం అందరికీ తెలిసిందే. దర్శకుడు మోహన్ రాజా తెరకెక్కిస్తున్న ఈ చిత్రం ఆల్ మోస్ట్ షూటింగ్ ఫినిషింగ్ స్టేజ్ కి వస్తుండగా లేటెస్ట్ గా మెగాస్టార్ కూడా సినిమా రిలీజ్ పై మెగా లీక్ కూడా ఇవ్వడంతో అది వైరల్ గా మారింది.
ఇక ఇదిలా ఉండగా ఈ సినిమాపై తాజాగా ఇండస్ట్రీ వర్గాల్లో మరో టాక్ పెద్ద ఎత్తున వైరల్ గా మారింది. సల్మాన్ ఖాన్ ఉన్నాడు అంటే ఎలాగో హిందీలో కూడా మంచి అంచనాలు గ్యారెంటీ తన కోసం అయినా ఈ సినిమాలో ప్రేక్షకులు తప్పకుండా చూస్తారు. అందుకే ఈ సినిమాకి హిందీ వెర్షన్ వరకు మాత్రం నాన్ థియేట్రికల్ రైట్స్ అంటే..
డిజిటల్ మరియు శాటిలైట్ హక్కులు కలిపి 42 కోట్లు భారీ ఆఫర్ తో డీల్ కంప్లీట్ అయ్యినట్టు తెలుస్తుంది. అయితే ఇది ఎవరితో అనేది ఇంకా తెలియాల్సి ఉంది. ఇంకా ఈ సినిమా లో నయనతార మరియు సత్యదేవ్ లు కీలక పాత్రల్లో నటిస్తుండగా థమన్ సంగీతం అందిస్తున్నాడు. అలాగే కొణిదెల ప్రొడక్షన్స్ వారు నిర్మాణం వహిస్తున్నారు.