తెలుగుదేశం ఎమ్మెల్యే, ప్రముఖ నటుడు నందమూరి బాలకృష్ణపై మాజీ మంత్రి, వైయస్సార్ కాంగ్రెస్ పార్టీ నాయకులు పేర్ని నాని తీవ్ర వ్యాఖ్యలు చేశారు. ‘అఖండ’ సినిమా టికెట్ ధరల పెంపు విషయంపై ముఖ్యమంత్రి వై.ఎస్. జగన్ మోహన్ రెడ్డి గారి అపాయింట్మెంట్ కోసం బాలకృష్ణ తనతో ఫోన్లో మాట్లాడారని, తాను స్వయంగా ముఖ్యమంత్రి గారికి చెప్పగా, ఆయన హుందాగా అనుమతి ఇచ్చారని పేర్ని నాని గుర్తుచేశారు.
బాలకృష్ణ చేసిన వ్యాఖ్యలపై స్పందిస్తూ పేర్ని నాని సవాల్ విసిరారు. “నాకు జన్మనిచ్చిన తల్లిదండ్రులు సాక్షిగా చెప్తున్నా బాలకృష్ణ నాతో ఫోన్ లో మాట్లాడాడు. మరి బాలకృష్ణ ఇలానే తన తల్లిదండ్రుల సాక్షిగా ప్రమాణం చేసి నాతో మాట్లాడలేదు అని చెప్పగలడా?” అంటూ పేర్ని నాని ప్రశ్నించారు.
హుందాగా సాయం చేసిన జగన్పై ఇదేనా భాష?: అఖండ సినిమా టికెట్ రేట్ల పెంపు కోసం బాలకృష్ణ తన సహాయం కోరిన విషయాన్ని వైయస్ జగన్ గారికి చెప్పగానే, “చేయండి” అని ఆయన హుందాగా చెప్పారని పేర్ని నాని వెల్లడించారు. “కానీ.. అలాంటి జగన్ గారి గురించి మాట్లాడేటప్పుడు బాలకృష్ణ మాట్లాడాల్సిన భాష ఇదేనా?” అని బాలకృష్ణ తీరుపై ఆయన ఆగ్రహం వ్యక్తం చేశారు.
ఈ వ్యాఖ్యలు ఆంధ్రప్రదేశ్ రాజకీయాల్లో, సినీ వర్గాల్లో చర్చనీయాంశంగా మారాయి. బాలకృష్ణ ఇటీవల చేసిన రాజకీయ విమర్శలకు కౌంటర్గా పేర్ని నాని ఈ సవాళ్లు విసిరినట్లు తెలుస్తోంది.
