మహిళా కమిషన్ చైర్మన్ గా వాసిరెడ్డి పద్మ
వై ఎస్ ఆర్ కాంగ్రెస్ పార్టీ నాయకురాలు వాసిరెడ్డి పద్మను ఆంధ్ర ప్రదేశ్ మహిళా కమిషన్ చైర్మన్ గా ముఖ్యమంత్రి జగన్ మోహన్ రెడ్డి నియమించారు . నిజానికి పద్మను ఈ పదవిలో ఎప్పుడో నియమిస్తున్నట్టు ప్రకటించారు. అయితే తెలుగు దేశం ప్రభుత్వహయాంలో ఈ పదవిలో వున్న నన్నపనేని రాజకుమారి ప్రభుత్వం మారిన తరువాత కూడా అదే పదవిలో కొనసాగాలని జగన్ మోహన్ రెడ్డితో సమావేశమైంది . కానీ జగన్ మోహన్ రెడ్డి ఆమెకు ఎలాంటి హామీ ఇవ్వక పోగా అప్పుడే చైర్మన్ గా పద్మను నియమిస్తున్నట్టు ప్రకటించారు .
అయితే నన్నపనేని వెంటనే తన పదవికి రాజీనామా చెయ్యలేదు. నిన్న గవర్నర్ ను కలసి తన రాజీనామా సమర్పించారు . ఈరోజు ఆంధ్ర ప్రదేశ్ ప్రభుత్వం వాసిరెడ్డి పద్మను నియమిస్తూ ఉత్తర్వులు జారీ చేసింది. పద్మ వై ఎస్ ఆర్ కాంగ్రెస్ పార్టీ అధికార ప్రతినిధిగా వున్నారు .