ఎస్ .వీ .బీ .సీ ఛానల్ కు చైర్మన్ గా పృథ్వి రాజ్
నటుడు పృథ్వి రాజ్ కు ఆంధ్ర ప్రదేశ్ ముఖ్యమంత్రి వై . ఎస్ . జగన్ మోహన్ రెడ్డి అపూర్వమైన గిఫ్ట్ ఇచ్చారు . ఇంతకాలం వై .ఎస్ .ఆర్ .కాంగ్రెస్ పార్టీకి నిస్వార్ధంగా సేవ చేస్తున్నందుకు పృథ్వి రాజ్ ను గుర్తించి ఈ జగన్ ఈ అవకాశాన్ని ఇచ్చారు . 2013 నుంచి పృథ్విరాజ్ జగన్ మోహన్ రెడ్డి పార్టీ కోసం ప్రచారం చేస్తూ వున్నాడు , జగన్ ముఖ్యమంత్రి కావాలని 2019 ఎన్నికల్లో కూడా రాష్ట్రమంతా పర్యటించాడు . ఎన్నికలు పూర్తి అయిన జగన్ ముఖ్యమంత్రి కావాలని తరువాత తిరుపతి వెళ్లి తలనీలాలు సమర్పించారు .
జగన్ మోహన్ రెడ్డి ముఖ్యమంత్రి అయిన తరువాత అమరావతి వెళ్లి శుభాకాంక్షలు తెలిపి ” అన్నా నేను 30 ఇయర్స్ ఇండస్ట్రీ , నువ్వు కూడా ఆంధ్ర ప్రదేశ్ కు 30 సంవత్సరాలు ముఖ్యమంత్రిగా ఉండాలి ” అని చెప్పాడట . ఆ మాటలు విని జగన్ మోహన్ రెడ్డి హాయిగా నవ్వుకొని షేక్ హ్యాండ్ ఇచ్చారట . ఇప్పుడు జగన్ మోహన్ రెడ్డి పృథ్విరాజ్ సేవలను గౌరవిస్తూ తిరుపతిలో వున్న ఎస్ .వీ .బీ .సీ ఛానల్ కు చైర్మన్ గా నియమించాడు . ఈవార్త తెలుసుకొని పృథ్విరాజ్ మహదానందపడిపోయాడు.
“జీవితంలో ఆ దేవదేవుడు నాకు ప్రసాదించిన గొప్ప అదృష్టంగా భావిస్తాను . ఎస్ .వీ .బీ .సీ ఛానల్ అభివృద్ధికి నా వంతు కృషి చేస్తాను . ఇక నుంచి నేను తిరుపతిలోనే ఉండి చైర్మన్ నా విధులను నిర్వర్తిస్తాను . నా రాజకీయ గురువు సుబ్బారెడ్డి గారు టీటీడీ చైర్మన్ గా ఉండటం మరింత సంతోషాన్ని కలిగిస్తుంది ” అని చెప్పాడు పృథ్విరాజ్ .