Minister Narayana: ఆంధ్రప్రదేశ్ రాజధాని అమరావతి నిర్మాణం విషయంలో పురపాలక శాఖ మంత్రి పొంగూరు నారాయణ కీలక వ్యాఖ్యలు చేశారు. వైసీపీ అధినేత, మాజీ సీఎం జగన్ మోహన్ రెడ్డి ఎన్ని కుట్రలు చేసినా, ఎన్ని అడ్డంకులు సృష్టించినా రాజధాని పనులు ఆగబోవని ఆయన స్పష్టం చేశారు. గురువారం మీడియాతో మాట్లాడిన మంత్రి, అమరావతిపై జగన్ చేస్తోన్న విమర్శలను తీవ్రంగా ఖండించారు.
అమరావతిపై జగన్కు కనీస అవగాహన లేదని, కేవలం ‘మిడిమిడి జ్ఞానం’తోనే అసత్య ఆరోపణలు చేస్తున్నారని మంత్రి మండిపడ్డారు. ముఖ్యంగా నదీ గర్భంలో నిర్మాణాలు చేస్తున్నారన్న జగన్ వ్యాఖ్యలపై నారాయణ స్పందిస్తూ.. “నదీ గర్భానికి (Riverbed), నదీ బేసిన్కు (River Basin) మధ్య ఉన్న తేడా కూడా జగన్కు తెలియకపోవడం విచారకరం. ప్రజలను తప్పుదోవ పట్టించడమే ధ్యేయంగా ఆయన మాట్లాడుతున్నారు” అని విమర్శించారు.
రెండో విడత భూసమీకరణపై ఓర్వలేకే.. రాజధాని కోసం రైతులు రెండో విడతలో కూడా స్వచ్ఛందంగా భూములిచ్చేందుకు ముందుకు వస్తుండటం చూసి జగన్ ఓర్వలేకపోతున్నారని మంత్రి ఆరోపించారు. ఆ అసూయతోనే లేనిపోని అవాస్తవాలను ప్రచారం చేస్తున్నారని దుయ్యబట్టారు. “ఏ రాష్ట్రానికైనా ఒకే రాజధాని ఉంటుంది. ప్రతి జిల్లాకు ఒక హెడ్క్వార్టర్ ఉంటుంది. ఈ కనీస వాస్తవాలను జగన్ విస్మరిస్తున్నారు. ఇదే తీరుగా ప్రజలను మోసం చేయాలని చూస్తే, ప్రస్తుతం ఉన్న 11 సీట్లు కూడా వచ్చే ఎన్నికల్లో సున్నాకు పడిపోవడం ఖాయం” అని మంత్రి హెచ్చరించారు.
అమరావతి నిర్మాణ కాలపరిమితి (Timelines) రాజధాని నిర్మాణ పనులు శరవేగంగా జరుగుతున్నాయని, నిర్దేశించిన సమయానికి ప్రాజెక్టులను పూర్తి చేస్తామని మంత్రి నారాయణ భరోసా ఇచ్చారు. పనుల పురోగతిపై ఆయన ఇచ్చిన స్పష్టత ఇలా ఉంది. కూటమి ప్రభుత్వం అమరావతి అభివృద్ధికి కట్టుబడి ఉందని, ఎట్టి పరిస్థితుల్లోనూ రాజధాని పనులను ఆపే ప్రసక్తే లేదని మంత్రి నారాయణ తన ప్రసంగంలో స్పష్టం చేశారు.
