Home Andhra Pradesh ప్రముఖ బిజినెస్ మ్యాన్‌కి దర్శి టికెట్ ఫిక్స్ చేసిన జగన్

ప్రముఖ బిజినెస్ మ్యాన్‌కి దర్శి టికెట్ ఫిక్స్ చేసిన జగన్

ప్రకాశం జిల్లా దర్శి నియోజకవర్గం టికెట్ పై కొంతకాలంగా వైసీపీలో సందిగ్ధం నెలకొంది. గత ఎన్నికల్లో టీడీపీ నేత శిద్ధా రాఘవరావు చేతిలో ఓడిపోయారు వైసీపీ అభ్యర్థి బూచేపల్లి శివప్రసాద్ రెడ్డి. కుటుంబ పరిస్థితుల కారణంగా ఆయన 2019 ఎన్నికల్లో పోటీ చేయలేను అని జగన్ తో చెప్పడంతో బాదం మాధవరెడ్డిని దర్శి ఇంఛార్జిగా నియమించారు. అయితే మాధవరెడ్డికి, బూచేపల్లికి పొసగకపోవడంతో బాదం మాధవరెడ్డి పార్టీకి దూరం అయ్యారు అని టాక్. ఈ నేపథ్యంలో దర్శిలో బలమైన అభ్యర్థి కోసం వైసీపీ ప్రయత్నాలు మొదలుపెట్టింది.

అయితే 2019 ఎన్నికల్లో మళ్ళీ బూచేపల్లిని దింపాలని సన్నాహాలు జరిగాయి. కాగా అందుకు బూచేపల్లి 3 నెలల గడువు కోరినట్టు తెలిసింది. అయితే అనూహ్యంగా జగన్ దర్శి టికెట్ ప్రముఖ వ్యాపారవేత్త మద్దిశెట్టి వేణుగోపాల్ కు ఖరారు చేసినట్టు సమాచారం. కాగా నెల రోజుల క్రితమే ఈ విషయంపై అధిష్టానం వేణుగోపాల్ తో చర్చలు జరుపగా ఆయన నెల రోజులు గడువు కోరారు. నెల రోజులు టైం తీసుకున్న వేణుగోపాల్ పార్టీలో చేరడానికి సిద్ధమేనని శుక్రవారం లోటస్ పాండ్ లో జగన్ తో కలిసి వివరించారు. జగన్ వెంటనే రంగంలోకి దిగి ఎన్నికలకు సిద్ధం అవ్వాలని చెప్పగా ఆయన సంక్రాంతి తర్వాత పార్టీలో చేరతానని కోరినట్లు తెలుస్తోంది.

మద్దిశెట్టి వేణుగోపాల్ 2009 ఎన్నికల్లో పోటీ చేసి ఓటమిపాలయ్యారు. ఆ తర్వాత ఆయన రాజకీయాలకు దూరంగా ఉంటూ తన వ్యాపారాలను చూసుకుంటున్నారు. కాగా వైసీపీ అధిష్టానం ఆయన్ని దర్శి బరిలో పొట్టే చేయాలనీ కోరగా ఆయన కూడా ఇప్పుడు రాజకీయాల్లోకి రీఎంట్రీ ఇవ్వడానికి సరైన సమయం అని భావించి అంగీకరించినట్లు తెలుస్తోంది. కాగా బూచేపల్లి శివ ప్రసాద్ రెడ్డి అందుకు మద్దతు ఇస్తారో లేదో చూడాలి. ఎందుకంటే గతంలో కూడా ఇంఛార్జిగా ఉన్న బాదం మాధవరెడ్డిని వ్యతిరేంకించారు.

కాగా మద్దిశెట్టి వేణుగోపాల్ కు దర్శి బాధ్యతలు అప్పగించడాన్ని వైసీపీ శ్రేణులు స్వాగతిస్తున్నారు. దర్శిలో వైసీపీ కార్యకర్తలు, అభిమానులు హర్షం వ్యక్తం చేస్తున్నారు. ఇక వైసీపీ అధినేత జగన్ కూడా ఇప్పటికే ఆలస్యం అయిందని మరోసారి గడువు పెంచకుండా వీలైనంత త్వరగా బాధ్యతలు స్వీకరించమని వేణుగోపాల్ కు సూచించినట్టు సమాచారం. అందుకు వేణుగోపాల్ కూడా ఓకే చెప్పినట్టు తెలుస్తోంది. మొత్తానికి గత కొంతకాలంగా ఖాళీగా ఉన్న దర్శి వైసీపీ అభ్యర్థి విషయంలో ఒక స్పష్టత వచ్చింది.

- Advertisement -

Related Posts

వీర్రాజు ఆవేశంతో అభాసు పాలైన బీజేపీ ? ఇది చెయ్యకూడని తప్పు ?

రెండు తెలుగు రాష్ట్రాల్లో తమ జెండాను పాతడానికి బీజేపీ నాయకులు చాలా ప్రయత్నాలు చేస్తున్నారు. అలాగే ఇప్పుడు తెలంగాణలో బీజేపీ తమకంటూ ఒక గుర్తింపును సంపాదించుకుంది. తెలంగాణలో సీఎం కేసీఆర్ కు చుక్కలు...

ఒక పక్క వ్యాక్సీన్ వేస్తుంటే – సడన్ గా భారీ ట్విస్ట్ ?

కరోనా వ్యాధికి దేశంలో వ్యాక్సినేషన్ ప్రారంభమయింది. మొదట ఆరోగ్య సిబ్బందికి ఇస్తున్నారు. తెలుగు రాష్ట్రాల్లోనూ వ్యాక్సిన్ ఇచ్చే ప్రక్రియ ప్రారంభమయింది. ప్రధానమంత్రి నరేంద్రమోడీ… ముందుగా టీకాలు తీసుకునేవారితో మాట్లాడి.. నాలుగు మంచి మాటలు...

వాళ్ళంతా గౌతమ్ సవాంగ్ కే చుక్కలు చూపిస్తున్నారు .. బాబోయ్ ఇది పరాకాష్ట !

ఆంధ్రప్రదేశ్: ఆలయాల మీద జరిగిన దాడుల మీద శుక్రవారం నాడు రాష్ట్ర డీజీపీ గౌతం సవాంగ్ ఒక ప్రెస్ మీట్ పెట్టి కుట్రల వెనుక ఎవరున్నారన్నది బయట పెట్టారు. ఈ దాడుల వెనుక...

“అన్నా …మీరే న్యాయం చెప్పండి” అంటూ ఏడ్చేసిన అఖిలప్రియ!

తెలంగాణ రాష్ట్ర ముఖ్యమంత్రి కేసీఆర్ బంధువుల్ని కిడ్నాప్ చేసిన ఘటనలో ఏపీ మాజీ మంత్రి భూమా అఖిలప్రియ అరెస్టు కావటం.. ఆమె భర్తతో పాటు పలువురు అండర్ గ్రౌండ్ లో ఉండటం తెలిసిందే....

Latest News