కరోనా వైరస్‌కు సంబంధించి ఇప్పటి వరకు, జలుబు, పొడి దగ్గు, జ్వరం, గొంతు మంట ఇలాంటి లక్షణాలే ఇప్పటి వరకు అందరికీ తెలుసు. కానీ ఇప్పుడు కరోనాకు సంబంధించి మరో కొత్త లక్షణాన్ని వైద్యులు గుర్తించారు. అయితే ఈ లక్షణం ఎక్కవగా శీతల ప్రదేశాల్లో నివసించే వారిలోనే కనిపిస్తున్నట్లు పేర్కొన్నారు.
కరోనా కొత్త లక్షణానికి సంబంధించి చర్మ వైద్య నిపుణులు.. కోవిడ్-19 సోకిన వారిలో కొందరికి కాళ్ల వేళ్లు, చేతి వేళ్ల దగ్గర రక్తం గడ్డకట్టి చర్మం ఎర్రబారుతున్నట్లు గుర్తించారు. ఈ లక్షణం ఎక్కువగా చిన్నారులలో, టీనేజ్ వారిలో కనిపిస్తున్నట్లు తెలిసింది. ముందుగా ఈ లక్షణాలు యూరప్‌లో కనిపించగా, ఇప్పుడు అమెరికాలో కూడా లక్షణం కనిపించినట్లు తేల్చారు.
ఈ లక్షణం ఎక్కువగా శీతల ప్రదేశాలలో నివసించే వారిలో మాత్రమే కనిపిస్తోందట. యూరప్‌లోని ఇటలీలో, అమెరికాలో కనిపిస్తుండగా ఈ తరహా లక్షణం కనిపించిన చిన్నారుల్లో ఇప్పటి వరకు చెప్పుకుంటున్న కరోనా లక్షణాలు ఏవీ కనిపించలేదని తెలిసింది.