బిగ్ బాస్ షొలో రెండో వారం ఎలిమినేట్ అయిన కరాటే కళ్యాణి తాజాగా మళ్లీ వార్తల్లో నిలిచింది. మామూలుగా అయితే ఈమె చేసిన హడావిడికి మొదటి వారమే ఎలిమినేట్ కావాల్సింది. కానీ మొదట వారం నామినేషన్‌లోకి రాకపోవడంతో బతికిపోయింది. కానీ గండం వెంటాడింది. రెండో వారంలో నామినేట్ అయింది. ఎలిమినేట్ అయి అలా బయటకు వచ్చింది. అయితే బయటకు వచ్చాక ఈమె చేసిన కామెంట్స్ ఓ రేంజ్‌లో వైరల్ అయ్యాయి.
తాజాగా సుజాత, కరాటే కళ్యాణి కలిసి ఓ మీడియా చానెల్‌లో ఇంటర్వ్యూ ఇచ్చారు. అక్కడ ఇద్దరూ మాట్లాడుతూ ఎలిమినేషన్ విషయంపై చర్చ పెట్టారు. బిగ్ బాస్ ఎలిమినేషన్ ప్రక్రియపై అనుమానం ఉందని కరాటే కళ్యాణి సెన్సేషనల్ కామెంట్స్ చేసింది. మెహబూబ్‌ను కావాలనే కాపాడుతున్నారని, కావాలనే సేవ్ చేస్తున్నారని ఆరోపణలు చేసింది. అంతే కాకుండా ఐదో వారం నామినేషన్ విషయంలో తాను అంచనా వేశానని కానీ అలా జరగలేదని తెలిపింది.
ఐదో వారంలో మామూలుగా మోనాల్, సుజాత, అమ్మ రాజశేఖర్‌లో ఎవరో ఒకరు వెళ్లిపోతారని అనుకున్నట్టు చెప్పుకొచ్చింది. అయితే మోనాల్‌ను మాత్రం అస్సలు బయటకు పంపించరు.. ఎందుకంటే ఆమె వీకెండ్‌లో గ్లామర్ షో చేస్తూ అలాంటి బట్టలు వేసుకుంటుంది.. మేము అలా చేయలేం.. అందుకే మమ్మల్ని ఎలిమినేట్ చేసేస్తారంటూ మోనాల్‌పై కరాటే కళ్యాణి సెన్సేషనల్ కామెంట్స్ చేసింది.