ఆండ్రాయిడ్ ఫోన్స్, సోషల్ మీడియా వచ్చిన దగ్గరి నుంచి ప్రతీదీ వైరల్గా మారుతోంది. ఏది కొత్తగా వచ్చినా వేలం వెర్రిగా మారిపోతోంది. దానికి సామాన్య జనాల నుంచి సెలబ్రిటీలు కూడా దాసోహం అంటున్నారు. సోషల్ మీడియా పెట్రేగిపోతున్న వేళ ఆండ్రాయిడ్ యాప్ల జాతర ఓ రేంజ్లో సాగుతోంది. తాజాగా వెలుగులోకి వచ్చిన ఓల్డేజ్ యాప్ క్రికెట్ సెలబ్రిటీలతో పాటు బాలీవుడ్ స్టార్లను కూడా ఓ ఊపు ఊపేస్తోంది. కింగ్ ఖాన్ షారుఖ్ఖాన్ నుంచి సల్మాన్ఖాన్ వరకు, ఐశ్వర్యారాయ్ నుంచి అలియాభట్ వరకు అందరినీ ఒక్కసారిగా ఓల్డ్ ఏజ్ యాప్ వృద్ధాప్యంలోకి తీసుకెళ్లింది. ఈ స్టార్లకు సంబంధించిన ఓల్డ్ ఏజ్ గెటప్స్ ప్రస్తుతం సోషల్ మమీడియాలో వైరల్గా మారాయి.
అలియా భట్, మలైకా అరోరా, కత్రినా కైఫ్, కరీనా కపూర్
ఇక బాలీవుడ్ క్రేజీ హీరోయిన్ల గురించి అయితే చెప్పనక్కరలేదు. కొంత మంది తమ ఫోటోలని ఈ యాప్ ద్వారా ఫిల్టర్ చేసి సోషల్ నెట్ వర్కింగ్ సైట్ ట్విట్టర్ ద్వారా తమ అభిమానులతో పంచుకుంటూ తెగ మురిసిపోతున్నారు. ఒక విధంగా టాప్ హీరోయిన్లు ముసలి గెటప్లలో వున్న ఫోటోల్ని షేర్ చేస్తుంటే ముసలమ్మల దసరా పంగడలా కనిపిస్తోంది. ఈ ఓల్డ్ ఏజ్ ఫోటోల్లో ముందు వరుసలో ఆకట్టుకుంటున్న బ్యూటీ కత్రినా కైఫ్. 70 ఏళ్ల ముదిమి వయసులో కత్రినాను చూస్తామో లేదో తెలియదు కానీ ఆ వయసు వచ్చే సరికి కత్రినా ఎలా వుందన్న ఊహే అబ్బురపరుస్తోంది. గ్రే హేయిర్ లుక్లో కత్రినా అచ్చు ఓల్డ్ వుమెన్లాగే కనిపిస్తుండటం పలువురిని ఆశ్చర్యానికి గురిచేస్తోంది.
ఐశ్వర్య రాయ్, అనుష్క శర్మ, దిశా
ఇక బాలీవుడ్ ఐటమ్ సాంగ్స్ బ్యూటీ మలైకా అరోరా ఓల్డ్ ఏజ్ గెటప్లోనూ ఏ మాత్రం తరగని అందంతో మెరిసిపోతోంది. పబ్లిక్ వేదికల్లోనూ గ్లామరస్గా మెరిసిపోయే ఈ బ్యూటీ ముదిమి వయసులోనూ అదే వన్నె తరగల అందాలతో కనిపిస్తూ ఆకట్టుకుంటున్నట్టుగా కనిపిస్తోంది. జీరో బేబీ కరీనా కపూర్ గత కొంత కాలంగా బాలీవుడ్ను డామినేట్ చేస్తూ వస్తోంది. ఓల్డ్ ఏజ్ లుక్లోనూ అంతే స్పార్క్తో కనిపిస్తోంది. బబ్లీ లేడీ అలియాభట్ కూడా ఏ మాత్రం తీసిపోలేదు. ఓల్డ్ ఏజ్ ఫొటోలో ప్రెట్టీగా కనిపిస్తోంది. వీరితో పాటు ఐశ్వర్యారాయ్, అనుష్కశర్మ, దిషా పటాని, ప్రియాంక చోప్రా, సోనమ్ కపూర్, దీపికా పదుకోన్ ఓల్డ్ గెటప్లలో ఆశ్చర్యపరుస్తున్నారు. సల్మాన్, రణవీర్ సింగ్, హృతిక్ ఇలా హీరోలంతా ఈ యాప్ వల్ల వృద్ధ గెటప్పులతో దర్శనమిస్తున్నారు. ఈ గెటప్పులు బోలెడంత ఫన్ జనరేట్ చేస్తున్నాయి.
ప్రియాంక చోప్రా, దీపికా పాడుకొనే, సోనమ్ కపూర్
