బాక్స‌ర్ క‌థ‌కు జానీ క‌థ‌కు లింకేంటి?

మెగా ప్రిన్స్ వ‌రుణ్ తేజ్ ప్ర‌స్తుతం బాక్సింగ్ నేప‌థ్యంలో భారీ యాక్ష‌న్ ఎంట‌ర్ టైన‌ర్ లో న‌టించేందుకు రెడీ అవుతున్న సంగ‌తి తెలిసిందే. అందుకోసం ఇప్ప‌టికే మార్ష‌ల్ విద్య‌ల్లో ప్ర‌త్యేకించి త‌ర్ఫీదు పొందాడు. తాజా సమాచారం ప్రకారం ఈ చిత్రం యొక్క మొదటి షెడ్యూల్ ఫిబ్రవరి 17 నుండి వైజాగ్‌లో ప్రారంభమవుతోంది. వరుణ్ తేజ్ రీసెంట్ స‌క్సెస్ ట్రాక్ దృష్టిలో పెట్టుకుని నిర్మాతలు సినిమాపై పెద్ద మొత్తంలో వెచ్చిస్తున్నారు.

ఇక ఈ చిత్రంలో సునీల్ శెట్టి కీలక పాత్రలో నటిస్తున్నాడు. వ‌రుణ్ తో ఢీ అంటే ఢీ అనే పాత్ర‌ను అత‌డు పోషించ‌నున్నాడు. అల్లు అరవింద్ సమర్పిస్తున్న ఈ చిత్రాన్ని కిరణ్ కొర్రపాటి డైరెక్ట్ చేస్తున్నారు. ఈ చిత్రాన్ని అల్లు బాబీ, సిద్ధు ముద్దా సంయుక్తంగా నిర్మిస్తున్నారు. హాలీవుడ్ స్టంట్ కొరియోగ్రాఫర్ లార్నెల్ స్టోవాల్ ఈ చిత్రానికి ఫైట్స్ కొరియోగ్రాఫ్ చేయ‌నున్నారు. వ‌రుణ్ పొడ‌వాటి గిర‌జాల‌తో భీక‌ర రూపంతో 6 ప్యాక్ లో క‌నిపిస్తార‌ని తెలుస్తోంది. ఇక ఈ సినిమాకి ప‌వ‌ర్ స్టార్ ప‌వ‌న్ క‌ల్యాణ్ న‌టించిన డిజాస్ట‌ర్ మూవీ జనీ లైన్ స్ఫూర్తి అన్న ప్ర‌చారం సాగింది.