భారీ అంచనాలతో తయారైన తమిళ “సర్కార్ ” చిత్రం కోర్ట్ వివాదంలో చిక్కుకొని ఎప్పుడు విడుదలవుతుందో తెలియని స్థితిలో వుంది . సర్కార్ సినిమాలో విజయ్ , కీర్తి సురేష్ , వరలక్ష్మి, రాధారవి నటించారు . ఎఆర్ మురుగదాస్ ఈ సినిమాకు దర్శకత్వం వహించాడు . సన్ పిక్చర్స్ వారు ఈ సినిమాను నిర్మించారు . ఇది తమిళ రాజకీయాలను దృష్టిలో పెట్టుకొని తీసింది . అందుకే అందరు ఆసక్తిగా ఎదురు చూస్తున్నారు .
అయితే ఈ సినిమా తన కథను కాపీ కొట్టి తీశారని సహాయ దర్శకుడు, రచయిత వరుణ్ రాజేంద్రన్ కోర్టులో కేసు వేశాడు . ఇది ఊహించని మురుగదాస్ దిగ్బ్రాంతికి గురయ్యాడు . న్యాయ పోరాటం చేద్దామనుకున్నారు . అయితే దీనివల్ల సినిమా విడుదల విషయంలో ఆలస్యమవుతుందని సన్నిహితులు చెప్పడంతో కోర్ట్ బయట సెటిల్ చేసుకోవడాన్ని ఒప్పుకున్నాడు . ఇద్దరి మధ్య పెద్దన్నగా సౌత్ ఇండియన్ ఫిలిం రైటర్స్ అసోసియేన్ అధ్యక్షుడు కె.భాగ్య రాజా నేతృత్వం వహించాడు . దర్శకుడు మురుగదాస్ , రచయిత సహాయ దర్శకుడు వరుణ్ రాజేంద్రన్ ను కూర్చోపెట్టి మాట్లాడాడు . వరుణ్ రాజేంద్రన్ పేరును తెర మీద వేయడానికి మురుగదాస్ ఒప్పుకోవడంతో కథ సుఖాంతమైంది . మురుగదాస్ సర్కార్ సినిమాకు కథ , స్క్రీన్ ప్లే , దర్శకత్వం అనే కార్డు వేసుకోవచ్చట .
ఈ సినిమాకు ఏఆర్ రెహ్మాన్ సంగీతం సమకూర్చాడు . దీపావళి కి సర్కార్ సినిమా విడుదల కాబోతున్నది .