(ధ్యాన్)
ప్ర‌స్తుతం యూత్‌లో మంచి క్రేజ్ సొంతం చేసుకున్న విజ‌య్ దేవ‌ర‌కొండ హీరోగా ఫుల్ బిజీగా ఉన్నాడు. అంతే కాకుండా ఇప్పుడు విజ‌య్ దేవ‌ర‌కొండ త‌మ్ముడు ఆనంద్ దేవ‌కొండ హీరోగా.. రాజ‌శేఖ‌ర్ రెండ‌వ కుమార్తె శివాత్మిక రాజ‌శేఖ‌ర్ హీరోయిన్‌గా ఓ సినిమా రూపొంద‌నుంద‌నే సంగ‌తి తెలిసిందే. విశ్వ‌స‌నీయ వ‌ర్గాల స‌మాచారం ప్ర‌కారం ఈ సినిమా న‌వంబ‌ర్ 24న హైద‌రాబాద్‌లో లాంఛ‌నంగా ప్రారంభం కానుంది. సురేశ్‌బాబు, మ‌ధుర శ్రీధ‌ర్ రెడ్డి, య‌ష్ రంగినేని ఈ సినిమాను నిర్మిస్తారు. కె.వి.ఆర్‌.మ‌హేంద్ర ఈ సినిమాకు ద‌ర్శ‌క‌త్వం వ‌హించ‌నున్నారు. తెలంగాణ‌లో జ‌రిగిన య‌దార్థ ఘ‌ట‌న‌ల ఆధారంగా చేసుకుని ఈ సినిమాను తెర‌కెక్కిస్తార‌ట. ఈ చిత్రానికి `దొర‌సాని` అనే టైటిల్‌ను ప‌రిశీలిస్తున్నార‌ట. డిసెంబ‌ర్ నుండి రెగ్యుల‌ర్ షూటింగ్ ఉంటుంది. వ‌చ్చే ఏడాది స‌మ్మ‌ర్‌లో సినిమాను విడుద‌ల చేయాల‌నేది నిర్మాత‌ల ప్లాన్‌గా క‌న‌ప‌డుతుంది.