హేట్ స్టోరి 4 .. గ్రేట్ గ్రాండ్ మ‌స్తీ లాంటి చిత్రాల‌తో ఊర్వశి రౌతేలా పాపులారిటీ నింగినంటిన సంగతి తెలిసిందే. స్టార్ హీరో జాన్ అబ్ర‌హాం స‌ర‌స‌న ఓ చిత్రంలో న‌టించింది. కాబిల్.. పాగ‌ల్ పంతి చిత్రాల్లోనూ ఈ అమ్మ‌డు స్పెష‌ల్ ట్రీటిచ్చింది. ప్ర‌స్తుతం హిందీ చిత్ర‌సీమ‌లో అవ‌కాశాలు అందుకుంటూనే ఇటు సౌత్ పైనా ఈ అమ్మ‌డు క‌న్నేసింది.
ఈ అమ్మ‌డు ప్ర‌త్యేకించి టాలీవుడ్ పైనే క‌న్నేసింద‌న్న స‌మాచారం ఉంది. ఇంత‌కుముందు సైమా అవార్డ్స్ ఉత్స‌వాల్లో త‌న‌కు మెగాస్టార్ చిరంజీవి అంటే ఎంతో ఇష్టం అని తెలిపింది. ఆ వేదిక‌పై దుమ్ము రేపే స్పెష‌ల్ సాంగ్ తో ట్రీటిచ్చింది. అప్ప‌టి నుంచి తెలుగు చిత్ర‌సీమ‌లో అవ‌కాశాల కోసం ఎదురు చూస్తోంది. ఇటీవ‌ల కొంత‌కాలంగా బాల‌య్య.. ర‌వితేజ లాంటి స్టార్ల స‌ర‌స‌న అవ‌కాశం అందుకోబోతోంద‌ని ప్ర‌చార‌మ‌వుతోంది. మెగాస్టార్ ఆచార్య మూవీ కోసం స్పెష‌ల్ నంబ‌ర్ చేసే ఛాన్సుంద‌న్న గుస‌గుస‌లు వినిపించాయి. అయితే వీటిని చిత్ర‌బృందాలేవీ అధికారికంగా ప్ర‌క‌టించ‌లేదు.
ఇక ఊర్వశి సోష‌ల్ మీడియా అభిమానుల‌కు రెగ్యుల‌ర్ ట్రీట్ ఇస్తున్న సంగతి తెలిసిందే. నిరంత‌రం ఏవో వేడెక్కించే బికినీ ఫోటోలు.. జిమ్ వ‌ర్క‌వుట్ల వీడియోల్ని షేర్ చేస్తూ అంత‌ర్జాలాన్ని షేక్ చేస్తోంది. ఇంత‌కుముందు మాల్దీవుల నుంచి బికినీ ట్రీట్ హీటెక్కించింది. తాజాగా బులుగు జిలుగు స‌ముద్ర తీరంలో పూల్ సైడ్ ట్రీట్ తో మ‌తులు చెడ‌గొడుతోంది. మిల్కీ బ్యూటీ కే పోటీకొస్తున్న ఊర్వశి అందాలు సంథింగ్ స్పెష‌ల్ అనే చెప్పాలి. పింక్ టూపీస్.. పింక్ హ్యాట్ తో ఇదిగో ఇలా ఛీర‌ప్ చేస్తోంది. ఊర్వశి హుషారు చూస్తుంటే సౌత్ లో ప్ర‌వేశించ‌డానికి ఇంకెంతో స‌మ‌యం ప‌ట్ట‌ద‌ని అర్థ‌మ‌వుతోంది. తెలుగు-త‌మిళ ప‌రిశ్ర‌మ‌లో ద‌ర్శక‌నిర్మాత‌లు చూపు ఊర్వ‌శిపై ఉంది. నెక్ట్స్ ఏంటో వేచి చూడాల్సిందే.