ఇంటెన్స్ పాత్ర‌ల్లో న‌టించాలంటే సూర్య త‌ర్వాత‌నే. ఎమోషన్ ని ప‌ర్ఫెక్ట్ గా డ్రాగ్ చేయ‌డంలో అత‌డి న‌ట‌న ఎంత వండ‌ర్ ఫుల్ గా ఉంటుందో గ‌జినీ-ఇద్ద‌రు- వంటి చిత్రాల్లో చూశాం. లేటెస్టుగా సూర్య న‌టిస్తున్న బ‌యోపిక్ మూవీ `ఆకాశం నీ హద్దురా`. ఎయిర్ డెక్కన్ ఫౌండర్ మరియు పైలట్ జి ఆర్ గోపినాధ్ జీవితం ఆధారంగా ఈ సినిమా తెరకెక్కుతుంది. `గురు` ఫేం లేడీ డైరెక్టర్ సుధా కొంగర ఈ చిత్రానికి దర్శకత్వం వహిస్తున్నారు. తాజాగా టీజర్ రిలీజైంది.
టీజర్ ఆద్యంతం ఎమోషన్ ఆక‌ట్టుకుంది. ఒక స్ఫూర్తివంత‌మైన జీవిత ప్ర‌యాణానికి సంబంధించిన చిత్ర‌మిది. గొప్ప ప్రేరణ కలిగించే అంశం ఉండటంతో ఈ టీజర్ ఆకట్టుకుంటోంది. ముఖ్యంగా సూర్య నటనతో పాటు మోహన్ బాబు వాయిస్ ఓవర్ ప్ర‌ధాన ఆక‌ర్ష‌ణ‌గా నిలిచింది. క‌లెక్ష‌న్ కింగ్ మోహన్ బాబు ఇందులో ఓ కీలకపాత్ర లో న‌టిస్తుండ‌డం ఆస‌క్తిక‌రం.. అపర్ణ బాలమురళి సూర్యకి జంటగా నటిస్తుండగా, జీవీ ప్రకాష్ సంగీతం అందిస్తున్నారు. సూర్య కొన్ని వ‌రుస వైఫ‌ల్యాల త‌ర్వాత ఎన్నో హోప్స్ పెట్టుకున్న చిత్ర‌మిది. ఎలాంటి ఫ‌లితాన్ని ఇస్తుందో చూడాలి.