(ధ్యాన్)
ద‌గ్గుబాటి రానా ఇప్పుడు పొలిటిక‌ల్ లీడ‌ర్‌గా న‌టించ‌బోతున్న సంగ‌తి తెలిసిందే. అది కూడా ఆంధ్ర‌ప్ర‌దేశ్ ముఖ్య‌మంత్రి నారా చంద్ర‌బాబు నాయుడు పాత్ర‌లో. దివంగ‌త మాజీ ముఖ్య‌మంత్రి ఎన్టీఆర్ బయోపిక్ `య‌న్‌.టి.ఆర్‌`లో రానా చంద్ర‌బాబుగా న‌టిస్తున్న సంగ‌తి తెలిసిందే. భారీ తారాగ‌ణం ఈ సినిమాలోన‌టిస్తుంది. ఓ సామాజిక వ‌ర్గానికి చెందిన చంద్ర‌బాబుకి త‌న కూతురు భువ‌నేశ్వ‌రిని ఇచ్చి పెళ్లి చేశారు ఎన్టీఆర్. ఎన్టీఆర్ ఎలా రాజకీయాల్లోకి రావ‌డానికి ఓ ర‌కంగా చంద్ర‌బాబు నాయుడు ఇన్‌స్పిరేష‌న్ అని పొలిటిక‌ల్ వ‌ర్గాలు అంటుంటారు. ఈ విష‌యాల‌న్నీ బ‌యోపిక్‌లో ప్ర‌స్తావిస్తారో లేదో తెలియ‌డం లేదు కానీ.. చంద్ర‌బాబు నాయుడు భార్య భువ‌నేశ్వ‌రి పాత్ర‌లో హీరోయిన్ మంజిమ మోహ‌న్ న‌టించ‌బోతున్నార‌ట. ఈ సినిమాలో ఎన్టీఆర్‌గా బాల‌కృష్ణ న‌టిస్తుండ‌గా.. బ‌స‌వ‌తార‌కంగా విద్యాబాల‌న్ న‌టిస్తున్నారు. అంటే మంజిమ మోహ‌న్ అమ్మ పాత్ర‌లో విద్యాబాల‌న్ క‌నిపిస్తుంది. అంటే రానా జోడిగా మంజిమ న‌టించ‌నుంది. ఇంత‌కు ముందు చైత‌న్య‌తో `సాహ‌స‌మే శ్వాస‌గా సాగిపో` త‌ర్వాత మంజిమ న‌టించ‌నున్న తెలుగు సినిమా ఇదే కావ‌డం విశేషం.