ఆంధ్ర ప్రదేశ్ రాష్ట్రంలో క్రమంగా సినిమా థియేటర్లు పెరుగుతున్నాయి . అమరావతి రాజధాని ఇంకా నిర్మాణ దశలో ఉండగా విజయవాడలో సినిమా థియేటర్లు బాగా వస్తున్నాయి . ముఖ్యంగా మల్టీప్లెక్స్ కల్చర్ క్రమంగా విజయవాడలో విస్తరిస్తోంది . ప్రతి ఆర్టీసీ బస్సు డిపోలో చిన్న థియేటర్లు నెలకొల్పాలనే ప్రతిపాదన వచ్చింది . దీనిని ప్రభుత్వం అమలు చేస్తుంది . ప్రస్తుతం విజయవాడ బస్సు డిపోలో సినిమాలను ప్రదర్శిస్తున్నారు .
ఇక విజయవాడలో ఇప్పటికే ఐనాక్స్ , పీవీపీ , పీవీఆర్ మొదలైనవి వచ్చాయి . అయితే ఇప్పుడు ఆంధ్ర ప్రదేశ్ ప్రభుత్వం మల్టీప్లెక్స్ థియేటర్ లకు అదనపు ఆటలు ప్రదర్శించు కోవడానికి అనుమతి మంజూరు చేసింది . ఈ థియేటర్లలో ప్రతిరోజూ ఉదయం 8 గంటల నుంచి అర్ధరాత్రి 2 గంటలవరకు సినిమాలను ప్రదర్శించుకోవచ్చునని ముఖ్యమంత్రి చంద్ర బాబు నాయుడు సోమవారం నాడు ఉత్తర్వులు జారీ చేసినట్టు తెలిసింది .
సో ఇక బెజవాడకు అదనంగా సినిమాలు ప్రదర్శించుకొని అనుమతి రావడంతో వాటి యజమానులంతా సంతోషంగా ఉన్నారట . మొత్తానికి చంద్ర బాబు ముందు చూపుతో ఈ అనుమతి ఇచ్చారని అనుకుంటున్నారు .
