తమిళ సినీ హీరో శింబుపై మద్రాస్ హైకోర్టు సీరియస్ అయింది. నిర్మాత నుంచి తీసుకున్న అడ్వాన్స్ ను వడ్డీతో సహా చెల్లించాలంటూ ఆదేశించింది. డబ్బు చెల్లించక పోతే ఆస్తులను జప్తు చేయాల్సి వస్తుందని హెచ్చరించింది. కేసు వివరాల్లోకి వెళ్తే , ‘ఆరాసన్’ చిత్రంలో నటించేందుకు గాను ప్యాషన్ మూవీ మేకర్స్ నుంచి 2013 జూన్ 17న రూ. 50 లక్షలను శింబు అడ్వాన్స్ గా తీసుకున్నారు. అయితే ఆ ప్రాజెక్టులో శింబు నటించ లేదు. తీసుకున్న అడ్వాన్స్ ను కూడా నిర్మాతకు తిరిగి చెల్లించలేదు. దీంతో బాధితులు హైకోర్టును ఆశ్రయించారు. ఈ నేపథ్యంలో వడ్డీతో కలిపి మొత్తం రూ. 85 లక్షలను ప్యాషన్ మూవీ మేకర్స్ కు చెల్లించాలని హైకోర్టు ఆదేశించింది.