`మ‌హాన‌టి` త‌ర్వాత వ‌రుస‌గా త‌మిళ అనువాదాల్లోనే క‌నిపించింది కీర్తి సురేష్. తెలుగులో వ‌రుస‌గా క్రేజీ చిత్రాల్లో న‌టిస్తుంద‌ని భావిస్తే అగ్ర క‌థానాయకులు ఎవ‌రూ త‌న‌కు అవ‌కాశాలివ్వ‌లేదు. ప‌వ‌న్ స‌ర‌స‌న న‌టించిన అజ్ఞాత‌వాసి డిజాస్ట‌ర్ అవ్వ‌డంతో అస‌లే క‌లిసి రాలేదు. ప్ర‌స్తుతం తమిళం – హిందీలో సినిమాలు చేస్తోంది. అలాగే వెబ్ సిరీస్ లోకి డెబ్యూ ఇచ్చింది కీర్తి.
కీర్తి ప్ర‌ధాన పాత్రలో ఈశ్వర్ కార్తీక్ దర్శకత్వం వహించిన `పెంగ్విన్` ప్రత్యక్ష OTT విడుదలకు సిద్ధ‌మ‌వుతోంది. అమెజాన్ ప్రైమ్ ఫాన్సీ ధరను చెల్లించి ఈ సినిమా స్ట్రీమింగ్ హక్కులను సొంతం చేసుకుంది. తొలుత మేకర్స్ ఈ చిత్రాన్ని మే మొదటి వారంలో థియేట్రిక‌ల్ రిలీజ్ చేయాలని ప్లాన్ చేశారు, కాని నోవెల్ క‌రోనా వ్యాప్తి కారణంగా మేకర్స్ OTT విడుదలకు సిద్ధ‌మ‌య్యారు.
తాజాగా `పెంగ్విన్` విడుదల తేదీ లాక్ చేసారు. ఈ చిత్రం జూన్ 19 న అమెజాన్ లో ప్రపంచవ్యాప్తంగా ప్రీమియర్ లైవ్ కాబోతోంది. ఈ చిత్రాన్ని తమిళం, తెలుగు రెండింటిలోనూ విడుదల చేయాలని మేకర్స్ భావిస్తున్నారు. పెంగ్విన్ లేడీ ఓరియెంటెడ్ థ్రిల్లర్. ఈ చిత్రంలో కీర్తి సురేష్ గర్భిణీ పాత్రలో కనిపించనున్నారు. న‌ట‌న‌కు స్కోప్ ఉన్న పాత్ర ఇది. కార్తీక్ సుబ్బరాజ్ దర్శకత్వం వ‌హించ‌గా.. స్టోన్ బెంచ్ ఫిల్మ్స్‌ తెర‌కెక్కించింది.