మన హిందీ సినిమాలకు ప్రపంచ వ్యాప్తంగా వ్యాపారం జరుగుతుంది . చాలా దేశాల సినిమాల కన్నా మన సినిమాలు ఎక్కువ డబ్బు వసూలు చేస్తాయి . ఇక బాలీవుడ్ నటీనటులకు వుండే క్రెజ్ ఇంతా అంతా కాదు . హీరోలకు లేదా హీరోయిన్లకు స్టార్ డమ్ వస్తే చాలు వారి లైఫ్ స్టైల్ మారి పోతుంది .
హిందీ సినిమా రంగంలో ఒకప్పుడు శ్రీదేవి అత్యధిక పారోతోషికం తీసుకునేది . అయితే ఆతరువాత వచ్చిన ఐశ్వర్యా రాయ్ , ప్రియాంక చోప్రా , కరీనా కపూర్, కత్రినా కైఫ్ , దీపికా పదుకొనె , అనుష్క శర్మ లాంటి నాయికలు ఎక్కువ పారితోషికాలు తీసుకుంటున్నారనే వార్తలు వచ్చాయి .
అయితే ఇప్పడు హిందీ సినిమా రంగంలో వున్న హీరోయిన్లలో ఎక్కువ పారితోషికం తీసుకుంటున్నది వీరు ఎవరూ కాదు . ఆమె కంగనా రనౌత్ . అవును నిజమే . హిందీ సినిమా రంగంలో ఇప్పుడు కంగనా రనౌత్ అత్యధిక పారితోషికం తీసుకుంటున్నది . ప్రస్తుతము ఆమె ప్రధమ భారత సంగ్రామంలో పాల్గొన్న ఝాన్సీరాణి పాత్రను ధరిస్తున్నారు . మణికర్ణిక పేరుతో రూపొందే ఈ సినిమాకు క్రిష్ దర్శకుడు . కంగనా రనౌత్ పూరి జగన్నాధ్ దర్శకత్వం వహించిన ఏక్ నిరంజన్ అనే సినిమాలో ప్రభాస్ ప్రక్కన నటించింది .
మణికర్ణిక సినిమా కోసం కంగన 14 కోట్ల రూపాయలను తీసుకుంటున్నట్టు తెలిసింది . ఇప్పటివరకూ ఇంత డబ్బు ఏ నాయిక తీసుకోలేదు . దీపికా పదుకొనె “పద్మావతి” సినిమా కోసం 11 కోట్లు తీసుకుందట . ప్రియాంక చోప్రా “భోగా ఖిరికీ” చిత్రానికి 12 కోట్లు , కరీనా తాజా సినిమా “వీరే దే వెడ్డింగ్”కు 11 కోట్లు , కత్రినా కైఫ్ “భారత్ ” సినిమాకు 9 కోట్లు తీసుకున్నట్టు చెబుతున్నారు . ఇప్పుడు కంగన అత్యధిక పారితోషికం తీసుకొని వార్తల్లో వుంది .