ప్రస్తుతం అల్లు అర్జున్ కి ఉన్న ఒకే ఒక్క కోరిక, తానూ కూడా పాన్ ఇండియా స్టార్ అనిపించుకోవాలని. అందుకే మార్కెట్ లేకపోయినా సుకుమార్ కలయికలో రానున్న ‘పుష్ప’ సినిమాని పాన్ ఇండియా రేంజ్ లో తీయాలని కండిషన్ పెట్టాడు. దాంతో పుష్పని పాన్ ఇండియా మూవీనే అని నమ్మకం కలిగించడానికి సుకుమార్ చాలా ప్రయత్నాలే చేస్తున్నాడు. వాటిలో భాగంగా ఎలాగైనా బాలీవుడ్ స్టార్ హీరోయిన్ శ్రద్దా కపూర్ ను ఓ స్పెషల్ సాంగ్ కోసం ఒప్పించాలనేది సుకుమార్ ప్లాన్.
ఇప్పటికే మేకర్స్ ప్రయత్నాలు చేస్తున్నారట. బాలీవుడ్ స్టార్ షాహిద్ కపూర్ సహాయంతో ఇప్పటికే సుకుమార్ ఫోన్ ద్వారా శ్రద్దాకి సాంగ్ తాలూకు ప్రాముఖ్యతను కూడా వివరించాడని.. ఈ సాంగ్ సినిమాలోనే హైలైట్ అవుతుందని చెప్పుకొచ్చాడట. మరి బన్నీతో స్టెప్స్ వేయడానికి శ్రద్దా ఒప్పుకుంటుందా అనేది డౌటే. ఎంత లేదనుకున్నా శ్రద్దా లాంటి హీరోయిన్ కి ప్రత్యేక సాంగ్ అంటే కచ్చితంగా తక్కువే. మరి ఈ బాలీవుడ్ స్టార్ బ్యూటీ ఏమి చేస్తోందో .. అన్నట్లు శ్రద్దా ఒప్పుకోకపోతే అప్షన్ గా మరో బాలీవుడ్ బ్యూటీ అనన్య పాండేను తీసుకోవాలని సుకుమార్ డిసైడ్ అయ్యాడు.
మరి బన్నీకి శ్రద్దా దొరుకుతుందో లేక అనన్యతోనే ఎడ్జెస్ట్ అవ్వాలో త్వరలో తెలుస్తోంది. ఒకవేళ శ్రద్దా కపూర్ స్పెషల్ సాంగ్ చేయడానికి ఒప్పకుంటే.. పుష్పకి పాన్ ఇండియా రేంజ్ వచ్చినట్లే.. ఆ రకంగా బన్నీ కోరిక కూడా తీరుతుంది. అలాగే పుష్పకి తమిళంలో కూడా మంచి మార్కెట్ తేవడానికి విజయ్ సేతుపతిని తీసుకున్నా.. కొన్ని కారణాల వల్ల విజయ్ సేతుపతి ఈ సినిమా నుండి తప్పుకున్నాడు.
అదే విధంగా కన్నడ పరిశ్రమ నుండి అక్కడ స్టార్ డమ్ ఉన్న రమ్యను కూడా ఈ సినిమాలో ఓ ప్రధాన పాత్ర కోసం అనుకుంటున్నారట. అలాగే ఓ కీలక రోల్ లో ఒకప్పటి తమిళ్ రొమాంటిక్ హీరో మాధవన్ ను కూడా తీసుకోవాలనే ఆలోచనలో ఉన్నారు. ఇక ఈ చిత్రంలో బన్నీకి జోడీగా ఓ గిరిజన యువతి పాత్రలో వరుస విజయాలతో దూసుకుపోతున్న రష్మిక మందన్న కథానాయికగా తీసుకున్న సంగతి తెలిసిందే.