టాలీవుడ్ హీరో తనీష్ కొన్నేళ్ల క్రితం టాలీవుడ్లో వెలుగుచూసిన డ్రగ్స్ కేసులో విచారణను ఎదుర్కొన్న సంగతి తెలిసిందే. అయితే ఆ కేసులో ఫలితం ఏమైంది అనేది మాత్రం తెలియలేదు. ఇదిలా ఉండగా తాజాగా మరోసారి ఆయన డ్రగ్స్ కేసులో ఇరుక్కున్నట్టు వార్తలు హల్ చల్ చేస్తున్నాయి. బెంగుళూరుకు చెందిన ఒక నిర్మాత మాదకద్రవ్యాల కేసులో ఇరుక్కోగా అందులో టానిక్ కూడ ఉన్నట్టు వార్తలు పుట్టుకొచ్చాయి. ఆయనకు కూడ నోటీసులు అందాయని చెప్పుకొచ్చారు. తనీష్ మరోసారి డ్రగ్స్ కేసులో బుక్కయ్యాడు అన్నట్టు ఉంది ఆ వార్తల సారాంశం.
కానీ అసలు విషయం అది కాదట. బెంగుళూరులో నిర్మాత ఒకరిని డ్రగ్స్ కేసులో పోలీసులు అనుమానిస్తున్న మాట నిజమే. తనీష్‌కు నోటీసులు అందిన మాట వాస్తవమే. కానీ ఆ నోటీసులు మీరూ అందులో ఇన్వాల్స్ అయ్యారు.. కాబట్టి విచారణకు హాజరుకావాలి అని కాదు. కేవలం ఆ నిర్మాత గురించి ఏమైనా సమాచారం తెలిస్తే చెప్పమని మాత్రమే. అంటే ఈ కేసులో తనీష్ అక్యూస్డ్ కాదు కేవలం విట్నెస్ మాత్రమే. అంటే సాక్షి అన్నమాట. తనకు తెలిసిన సమాచారాన్ని పోలీసులతో పంచుకోవాలన్నది నోటీసుల సారాంశం. అయితే విషయం పూర్తిగా తెలుసుకోని కొందరు తనీష్ మీద మరోసారి డ్రగ్స్ కేసు పడిందని ఊదరగొట్టేశారు. దీంతో నొచ్చుకున్న తనీష్ అసలు విషయాన్ని చెప్పుకొచ్చారు.