డిస్కో రాజా ఈ చిత్రం షూటింగ్‌ ప్రస్తుతం హైదరాబాద్‌లో జరుగుతోంది. కోటీ 20 లక్షల రూపాయలతో వేసిన సెట్‌లో రవితేజ, ‘వెన్నెల’ కిశోర్, శశిర్‌ షరమ్, టోని హోప్‌లపై కీలక సన్నివేశాలు చిత్రీకరిస్తున్నారు.
ఈ నెల 26వరకూ ఇక్కడ చిత్రీకరించి ఆగస్ట్‌ మొదటివారంలో ఢిల్లీలో కొత్త షెడ్యూల్‌ మొదలుపెట్టనున్నారు. ఒక ఇంటర్వెల్ ఫైట్ మరియు 3 సన్నివేశాల కోసం వెళ్తున్నారు.ఈ సందర్భంగా రామ్‌ తాళ్ళూరి మాట్లాడుతూ – ‘‘నేల టిక్కెట్‌’ తర్వాత రవితేజగారితో మేం నిర్మిస్తున్న రెండో చిత్రం ఇది. ఆయన ఎనర్జీ సూపర్‌. వీఐ ఆనంద్‌ గొప్ప విజన్‌ ఉన్న దర్శకుడు. వినోద ప్రధానంగా సాగే ఈ చిత్రం అన్ని వర్గాల ప్రేక్షకులను ఆకట్టుకునే విధంగా ఉంటుంది’’ అన్నారు. ఈ చిత్రానికి కెమెరా: సాయి శ్రీరామ్, డైలాగ్స్‌: అబ్బూరి రవి, మ్యూజిక్‌: ఎస్‌.ఎస్‌. తమన్, ఎడిటింగ్‌: నవీన్‌ నూలి.