ట్రైల‌ర్ బ్లాక్ బ‌స్ట‌ర్ అంటూ కితాబు
చిరు అభిమానులు, సినీ ప్రియులు ఎప్పుడెప్పుడా అని ఎదురుచూసిన `సైరా` ట్రైల‌ర్ రానే వ‌చ్చింది. చిరు కెరీర్‌లోనే అత్యంత భారీ బ‌డ్జెట్‌తో నాలుగు భాష‌ల్లో రిలీజ్ అవుతున్న సినిమా కావ‌డం, ఫ్రీడం ఫైట‌ర్ జీవిత‌క‌థ‌తో తెర‌పైకి వ‌స్తున్న సినిమా కావ‌డంతో ఈ చిత్రంపై స‌ర్వ‌త్రా భారీ అంచ‌నాలు నెల‌కొన్నాయి. రామ్‌చ‌ర‌ణ్ ఈ చిత్ర ట్రైల‌ర్‌ని మొత్తం వంద స్క్రీన్‌ల‌పై ఏక‌కాలంలో నాలుగు భాష‌ల్లో విడుద‌ల చేశారు. బుధ‌వారం భారీ స్థాయిలో విడుద‌లైన థియేట్రిక‌ల్ ట్రైల‌ర్‌తో సినిమా ఏ స్థాయిలో వుండ‌బోతోంది అన్న‌దానిపై చాలా వ‌ర‌కు క్లారిటీ వ‌చ్చింది.
థియేట్రిక‌ల్ ట్రైల‌ర్‌లో చిరంజీవి న‌ట‌న, రోమాంచిత‌మైన యాక్ష‌న్ ఘ‌ట్టాలు.. ఆ స‌న్నివేశాల్ని చిత్రీక‌రించిన తీరు, సంగీతం, ఆనాటి కాలాన్ని ప్ర‌తిబింబించే కాస్ట్యూమ్స్‌, పాత్ర‌ల వేష‌ధార‌ణ, క‌ళా ద‌ర్శ‌కుడి ప్ర‌తిభ, సినిమాకు అత్యంత కీల‌క‌మైన వీఎఫ్ ఎక్స్ ప్ర‌ధాన ఆక‌ర్ష‌ణ‌గా నిలిచాయి. రోమాంచిత స‌న్నివేశాలు, విజువ‌ల్ గ్రాండీయ‌ర్‌, పాన్ ఇండియా ప్రేక్ష‌కుల్ని ఆక‌ర్షించే పేరున్న భారీ స్టార్ కాస్ట్ `సైరా` ట్రైల‌ర్‌ని ఓ రేంజ్‌లో నిల‌బ‌డేలా చేశాయి. ట్రైల‌ర్ చూసిన నెటిజ‌న్స్ ఇచ్చిన రివ్వ్యూస్ `సైరా` ట్రైల‌ర్ ప్రేక్ష‌కుల‌ని ఏ స్థాయిలో ఆక‌ట్టుకుందో తెలియ‌జేస్తోంది. ఇప్ప‌టికే కోటి వ్యూస్ దిశ‌గా దూసుకుపోతోంది ట్రైల‌ర్.
`సైరా` ట్రైల‌ర్ అంచ‌నాల‌ని మ‌రింత‌గా పెంచేసింద‌ని, యాక్ష‌న్ స‌న్నివేశాల్ని చూస్తుంటే భారీ స్థాయిలో చిత్రాన్ని రూపొందించిన‌ట్టుగా అర్థ‌మ‌వుతోందని కొంత మంది ట్వీట్ చేస్తే మ‌రికొంత మంది మాత్రం మెగాస్టార్ చిరంజీవి స్థాయికి త‌గ్గ‌ట్టుగా వుంద‌ని, తెర‌పై చిరు ప్రెజెన్స్ అద్భుతంగా వుంద‌ని, భావోద్వేగాల్ని మ‌ళ్లీ త‌ట్టి లేపార‌ని, ఇది తెలుగు ప్రేక్ష‌కుల కోస‌మే తీసిన సినిమా కాద‌ని, గ్లోబ‌ల్ ఆడియ‌న్స్‌కు చెప్పాల్సిన ఓ యోధుడి క‌థ అని మెజారిటీ వ‌ర్గాలు అభిప్రాయం వ్య‌క్తం చేశారు. సైరా చిత్రం క‌చ్చితంగా బ్లాక్‌బ‌స్ట‌ర్‌గా నిలుస్తుంద‌ని, చిరు క‌నిపించిన స‌న్నివేశాలు రోమాంచితంగా వున్నాయ‌ని ఓవ‌రాల్‌గా ట్రైల‌ర్ `సైరా` బ్లాక్‌బ‌స్ట‌ర్ హిట్‌గా నిల‌వ‌బోతోంద‌నే సంకేతాల్ని అందించింద‌ని ప్ర‌శంస‌ల వ‌ర్షం కురిపిస్తున్నారు