“షిట్..షిట్..షిట్ …” ఛార్మీ ఇలా అనేసిందేంటి

సాధారణంగా ఓ సినిమా హిట్ అయ్యాక గిప్ట్ లు ఇచ్చుకుంటారు. ముఖ్యంగా హిట్ సినిమా తీసిన డైరక్టర్ కు హీరో గారు గిప్ట్ లు ఇచ్చి ఖుషీ చేస్తూంటారు. అయితే పూరి స్కూలే వేరు. డిఫరెంట్ యాటిట్యూట్ తో ఆయన పాత్రలే కాదు. ఆయన టీమ్ కూడా ముందుకు వెళ్తూంటుంది. అందరికి భిన్నంగా బిహేవ్ చేస్తూంరు. పూరి జగన్నాథ్ తాజా సినిమా షూటింగ్ జరుగుతుండగానే ఆయకి గిఫ్ట్ ఇచ్చి సర్‌ప్రైజ్ చేశాడు యంగ్ హీరో రామ్.

వివరాల్లోకి వెళితే.. ఎనర్జిటిక్ స్టార్ రామ్ హీరోగా పూరిజగన్నాథ్ దర్శకత్వంలో తెరకెక్కుతున్న సినిమా ‘ఇస్మార్ట్ శంకర్’. ప్రస్తుతం ఈ సినిమా షూటింగ్ జరుపుకుంటోంది. అయితే హీరో రామ్.. ప్రపంచంలోనే ఖరీదైన ఓ కాఫీ ప్యాకెట్‌ని డైరెక్టర్ పూరి జగన్నాథ్‌కి గిఫ్ట్‌గా ఇచ్చాడు. ఈ విషయాన్ని తెలుపుతూ పూరి ట్వీట్ చేశాడు.

దీని పేరు కోపీ లువాక్ అని, దీని గురించి గూగుల్‌లో వెతకండి అని పేర్కొన్నాడు. అయితే పూరి చేసిన ఈ ట్వీట్ చూసి ‘షిట్ షిట్ షిట్’ అని ఛార్మి కామెంట్ చేసింది. వీళ్ల గిప్ట్ ల ప్రహసనం కన్నా…ముందు ఛార్మి కామెంట్స్ పాపులర్ అవుతున్నాయి.

‘ఇస్మార్ట్ శంకర్’ చిత్రం యొక్క మొదటి షెడ్యూల్ ఇటీవల హైద్రాబాద్లో స్టార్ట్ అయ్యింది. ఏప్రిల్ లో గా ఈ సినిమా పూర్తి చేసి సినిమాను మే లో విడుదలచేయనున్నారు. ఈ యాక్షన్ ఎంటర్టైనేర్ లో రామ్ సరసన నిధి అగర్వాల్ , నాబా నటేష్ నటిస్తున్నారు. ఇక ఈ క్రేజీకాంభినేషన్ ఫై ఇప్పటికే మంచి అంచనాలు నెలకొన్నాయి.