‘ఎక్కడో లింక్ మిస్ అవుతోంది. మనకు తెలియని కథ.. ఇంకేదో జరుగుతోంది’ అనే డైలాగ్‌తో కవచం చిత్రం టీజర్ వచ్చేసింది. యంగ్ హీరో బెల్లంకొండ శ్రీనివాస్‌ వరస పెట్టి యాక్షన్ సినిమాలు చేసుకుంటూ పోతున్నారు. తాజాగా ఆయన నటిస్తున్న చిత్రం ‘కవచం’.
కాజల్‌, మెహరీన్‌ హీరోయిన్ గా చేస్తున్న ఈ సినిమా ద్వారా శ్రీనివాస్‌ అనే నూతన దర్శకుడు పరిచయం అవుతున్నారు. వంశధార క్రియేషన్స్‌ పతాకంపై నవీన్‌ సొంటినేని నిర్మిస్తున్న ఈ చిత్రం టీజర్ ని రిలీజ్ చేసారు. టీజర్ చూస్తూంటే విభిన్న కథాంశంతో దీన్ని తెరకెక్కించినట్లు తెలుస్తోంది. టీజర్ పై మీరూ ఓ లుక్కేయండి..
‘అనగనగా ఓ రాజ్యం.. ఆ రాజ్యానికి రాజు లేడు. రాణి మాత్రమే.. ఆ రాణికి కవచంలా ఓ సైనికుడు’ అనే డైలాగ్‌తో టీజర్ ప్రారంభమైంది. అలాగే ‘భయపెట్టేవాడికీ.. భయపడేవాడికీ మధ్య ఒకడు ఉంటాడు రా.. వాడే పోలీస్‌’ అంటూ బెల్లంకొండ చెప్పే డైలాగ్ కు మంచి రెస్పాన్స్ వస్తోంది. ఫైనల్ గా ‘పోలీసోడితో ఆడాలంటే బులెట్‌ కంటే బ్రెయిన్‌ ఫాస్ట్‌గా ఉండాలి’ అని చెప్పించిన డైలాగు హైలెట్. డిసెంబరులో సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు.
ఈ చిత్రంలో నీల్‌ నితిన్‌ ముఖేష్‌ ప్రధాన పాత్ర పోషిస్తున్నారు. తమన్ సంగీతం అందిస్తున్నారు . ఈ చిత్రంలో బెల్లంకొండ పోలీసు అధికారిగా కనిపించి ఆకట్టుకున్నారు. సోమవారం సాయంత్రం ఈ చిత్రం టీజర్‌ను విడుదల అయ్యింది.