తెలుగులో వచ్చిన హారర్ థ్రిల్లర్ సినిమాల్లో ‘రాజుగారి గది’ కి ప్రత్యేక స్దానం ఉంది. ఆ సినిమా మంచి హిట్ అవటంతో దానికి సీక్వెల్ గా సమంత,నాగ్ లతో ‘రాజుగారి గది 2’ చేయగా, అది వర్కవుట్ కాలేదు. దాంతో ఈ సారి ఎలాగైనా హిట్ కొట్టాలని ఈ సినిమాకి సీక్వెల్ గా ‘రాజుగారి గది 3’ చేయడానికి దర్శకుడు ఓంకార్ రంగంలోకి దిగాడు. త్వరలో రెగ్యులర్ షూటింగుకి ఆయన ఏర్పాట్లు చేసుకుంటున్నాడు. అయితే ఈ లోగా హీరోయిన్ రూపంలో ట్విస్ట్ వచ్చి పడింది.
ఈ చిత్రం ఫస్ట్ పార్ట్ లో హీరోయిన్ పూర్ణా, రెండవ భాగంలో సమంత హార్రర్ పాత్రలలో కనిపించారు. ఇక మూడవ భాగంగా తెరకెక్కనున్న “రాజుగారి గది3″లో మొదటగా తమన్నా తో ఎగ్రిమెంట్ చేసుకోవడం, ఆమె సినిమా పూజా కార్యక్రమాలలో కూడా పాల్గొనడం జరిగింది.
ఐతే స్క్రిప్ట్ విషయంలో ఓంకార్ మార్పులు చేయడంతో ఆమె ఈ చిత్రం నుండి బయటకి వచ్చేశారు. ఆతరువాత కాజల్ ఈ క్యారక్టర్ చేయడానికి గ్రీన్ సిగ్నల్ వార్తలు వచ్చాయి. అయితే రెమ్యూనరేషన్ సెట్ కాకపోవటంతో ఆమె కూడా ఈ మూవీ చేయడం లేదని తెలుస్తుంది.
దాంతో దర్శకుడు ఓంకార్ కి “రాజుగారి గది 3″కోసం హీరోయిన్ దొరకక ఎవరితో వెళ్లాలో అర్దం కాక చూస్త్తూండగా ఆయనకు అవికా గుర్తు వచ్చారు. ” ఉయ్యాలా..జంపాలా”‘, సినిమా చూపిస్త మామ” ఎక్కడికి పోతావు చిన్నవాడా” చిత్రాలతో తెలుగు ప్రేక్షకులకు సుపరిచితమైన అవికా గౌర్ ను తీసుకోవాలని ఓంకార్ ప్రయత్నాలు మొదలుపెట్టారని సమాచారం.
తెలుగులో వరుస హిట్స్ అందుకున్న అవికా గోర్, ఆ తరువాత గ్యాప్ తీసుకున్న సంగతి తెలిసిందే. దాంతో ‘రాజుగారి గది 3’లో వెళ్లటానికి అవికా ఒప్పుకుందా? అసలు ఆమెను హీరోయిన్ పాత్రకే అడిగారా.. లేదంటే కీలకమైన మరో పాత్ర కోసం ఎంపిక చేసుకున్నారా? అనేది తెలియాల్సి వుంది.