‘‘ప్రతిభకు, విజయానికీ ఎప్పుడైనా ఎక్కడైనా గుర్తింపు ఉంటుంది. ఓ వ్యక్తి ఎదుగుదలకు ఇవి రెండే కొలమానాలు. అయితే నేను సాధించిన విజయాల కన్నా, నా ప్రతిభ కన్నా నాకెక్కువ గుర్తింపు వచ్చింది. ప్రేక్షకులు అర్హతకు మించిన స్థానం ఇచ్చారు’’ అంటోంది అనుష్క .
ఇటీవల ఓ సందర్భంలో కలిసినప్పుడు అనుష్క మాట్లాడుతూ ‘‘నేనో రకంగా అదృష్టవంతురాల్ని. ఎందుకంటే జయాపజయాలకు అతీతంగా నాకు అభిమానులు ఏర్పడ్డారు. నా సినిమా సరిగా ఆడకపోయినా సరే, ‘ఇందులో మీరు బాగా నటించారు. ఇంకా అందంగా కనిపించారు’ అంటూ కితాబు ఇస్తుంటారు. నాపై నాకున్న బాధ్యతను ఇలాంటి మాటలు మరింత పెంచేస్తుంటాయి”.
“అందుకే ఏ పాత్ర ఒప్పుకున్నా అభిమానుల అంచనాల్ని అందుకుంటానా? లేదా? అని ఒకటికి పదిసార్లు ఆలోచిస్తుంటా. అంచనాలు మేలే చేస్తాయి. మనల్ని క్రమపద్ధతిలో నడిపిస్తుంటాయి. నేను ఆచితూచి కథల్ని ఎంచుకోవడానికి కారణమిదే’’ అంది.