సందీప్ కిషన్, తమన్నా కాంబినేషన్ లో తెరకెక్కుతున్న చిత్రం ‘నెక్స్ట్ ఏంటి?’. రొమాంటిక్ లవ్ ఎంటర్ టైనర్‌గా తెరకెక్కుతున్న ఈ చిత్రానికి బాలీవుడ్ డైరెక్టర్ కునాల్ కోహ్లీ దర్శకత్వం వహిస్తున్నారు. ఈ చిత్రాన్ని రైనా జోషి, అక్షయ్ పూరిలు సంయుక్తంగా నిర్మిస్తున్నారు. తాజాగా టీజర్‌ను చిత్ర యూనిట్ విడుదల చేసింది. ఈ టీజర్ కు మంచి రెస్పాన్స్ వస్తోంది.
ఇక టీజర్ లో తమన్నా ఫ్రెష్ లుక్‌లో చాలా కొత్తగా కనిపించగా.. ప్లే బాయ్‌గా సందీప్ కిషన్ కనిపిస్తున్నాడు. ఈ టీజర్ యూత్‌కి బాగా కనెక్ట్ అయ్యేలా ఉంది.కాగా, వరుస ప్లాపులతో సతమతవుతున్న సందీప్ కిషన్ కు ఈ సినిమా అయినా విజయాన్ని అందిస్తుందో.. లేదో చూడాలి. మరి తాజాగా విడుదలైన టీజర్ పై మీరు ఓ లుక్కేయండి.
‘లైఫ్ చాలా చిన్నదిరా.. మళ్లీ మళ్లీ అవకాశాలు రావు, అందులోనూ అమ్మాయిల విషయాల్లో అస్సలు రావు’ అంటూ అమ్మాయిలతో రొమాన్స్, లిప్ లాక్‌లతో సందీప్ కిషన్ రెచ్చిపోవటం టీజర్ లో హైలెట్ గా నిలిచింది. ప్రేమ – శృంగారం మేళవింపుతో యువతని ఆకట్టుకునేలా చేసేలా ‘నెక్స్ట్ ఏంటి?’ ఉండబోతుందని టీజర్‌లో చూపించారు.
ప్రస్తుతం నిర్మాణాంతర కార్యక్రమాలు జరుపుకుంటున్న ఈ చిత్రాన్ని డిసెంబర్‌లో విడుదల చేయాలని చిత్ర నిర్మాతలు భావిస్తున్నారు. ‘ఫనా, హమ్‌ తుమ్‌’ వంటి బాలీవుడ్ హిట్‌ చిత్రాలకు దర్శకత్వం వహించిన కునాల్ కోహ్లి సందీప్ కిషన్‌కు హిట్‌ అందిస్తాడని ఎంతో నమ్మకంతో ఉన్నాడు. ఇక ఈ చిత్రానికి లియోన్‌ జేమ్స్ సంగీతం అందిస్తున్నాడు.
సందీప్ కిషన్, తమన్నా జంటగా, నవదీప్‌, పూనమ్‌ కౌర్‌ ముఖ్య పాత్రల్లో నటిస్తున్నారు. రైనా జోషి, అక్షయ్ పూరి నిర్మించారు. తాజాగా ఈ చిత్రానికి సంబంధించిన టీజర్‌ను చిత్ర యూనిట్ విడుదల చేసింది.