ఇప్పుడు డిజిటల్ మాధ్యమాల విలువేమిటో గుర్తిస్తున్నారు సినీ తారలు. క్రమంగా ఒక్కొక్కరు వెబ్ సిరీస్ లో పని చేయడానికి మొగ్గు చూపుతున్నారు. ప్రియాంక చోప్రా దగ్గర నుండి తేజస్వి మడివాడ, నిత్యా మీనన్, ప్రియా మణి దాకా చాలా మంది ఈ వెబ్ సిరీస్ లకు సంతకం చేశారు. అమెజాన్ ప్రైమ్, నెట్ఫ్లిక్ లకు పెరుగుతన్న ఆదరణే ఇందుకు కారణమని చెప్పొచ్చు. ఈ క్రమంలో మరో యువ హీరో ఈ జాబితాలో చేరిపోయాడు. అతనే సందీప్ కిషన్.
ఇతను అమెజాన్ ప్రైమ్ లో ఒక ‘ది ఫామిలీ మాన్’ అనే వెబ్ సిరీస్ లో ఒక మేజర్ పాత్రలో నటిస్తున్నాడు. ఆ పాత్ర పేరు విక్రమ్ వైద్. ఈ సిరీస్ లో ఇంకా ప్రియమణి, మనోజ్ బాజ్పాయ్ వంటి వారున్నారు. ఈ వెబ్ సిరీస్ ను రాజ్ నిడిమోరు మరియు కృష్ణ డీ.కె దర్శకత్వం చేస్తున్నారు. ఈ సిరీస్ సెప్టెంబర్ 20 నుండి అమెజాన్ ప్రైమ్ లో ప్రసారం కానుంది.