పూరి జగన్నాధ్ ఒకప్పుడు విజయవంతమైన ప్రేమ కథా చిత్రాల్ని తీసాడు. ఆ పైన తన శైలి మార్చుకుని మాఫియా నేపధ్యం ఉన్న సినిమాలు తీసి అక్కడే ఆగిపోయాడు. ఆయన తాజా చిత్రం ‘ఇస్మార్ట్ శంకర్’ కూడా మాఫియా నేపధ్యంలో సాగే చిత్రమే. సరే ఆ సినిమా విజయవంతం అయ్యేసరికి ఏకంగా విజయ్ దేవరకొండ ఆయన సినిమాకి సంతకం చేసేసాడు.
ఈ సినిమా గురించి రకరకాల కధనాలు ఉన్నా అసలు నిజం ఏంటంటే, ఈ సినిమా పూర్తి ప్రేమ కధట. చూడబోతే ఒకనాటి ఇడియట్ ను తలపిస్తుందేమో. ఇక ఈ సినిమా చిత్రీకరణ నవంబర్ నుండి మొదలయ్యి వచ్చే వేసవికి ఈ చిత్రం విడుదల అవుతుంది. ఈ చిత్రంలో విజయ్ సరసన నటించే హీరోయిన్ ఇంకా ఖరారు కాలేదు.
ఎప్పటి లాగే ఈ చిత్రం పూరి మరియు ఛార్మి సంయుక్తంగా నిర్మించనున్నారు. ఈ చిత్రానికి సంబంధించి పూర్తి వివరాలు ఇంకా తెలియాల్సి ఉంది.