ఒకప్పుడు తన నోటి దురుసుతనంతో తెలుగు సినిమాలకు దూరం అయ్యాడు హీరో సిద్ధార్ధ్. అప్పట్లో తెలుగులో మంచి ఆదరణ కలిగిన హీరో సిద్ధార్ధ్. కానీ ఇప్పుడు తమిళ సినిమాలకే పరిమితం అయ్యాడు. అతను తెలుగులో ‘బాద్షాహ్’ (2013 ) లో అతిధి పాత్రలో కనిపించాడంతే.
ఇప్పుడు మళ్ళీ ఆరేళ్ళ విరామం తరువాత రవితేజ సినిమాతో తెలుగు తెర పై కనిపించనున్నాడు. ‘RX 100 ‘ సినిమా దర్శకుడు అజయ్ భూపతి దర్శకత్వంలో రవి తేజ హీరోగా తెరకెక్కుతున్న సినిమా ‘మహా సముద్రం’. ఈ సినిమాలో మరో హీరోగా సిద్ధార్ధ్ కనిపించనున్నాడు. ఈ సినిమాలో అతని పాత్రను వినిపించగానే తెగ నచ్చి సినిమాకి సంతకం చేసేసాడట.
ఈ సినిమాలో రవి తేజ సరసన అదితి రావు హైదరి హీరోయిన్. ఇప్పుడు సిద్ధార్ధ్ జోడీగా నటించబోయే హీరోయిన్ ను ఎంచుకోవాల్సి ఉంది.