కీర్తి సురేష్.. విమ‌ర్శ‌కుల ప్ర‌శంస‌ల్ని సొంతం చేసుకున్న హీరోయిన్. త‌న‌కు పెద్ద‌గా న‌ట‌న రాద‌ని విమ‌ర్షించిన వారి చేత `మ‌హాన‌టి` చిత్రంతో శ‌భాష్ అనిపించుకుంది. ఈ సినిమాతో జాతీయ స్థాయిలో గుర్తింపుని సొంతం చేసుకున్న కీర్తి సురేష్ ప్ర‌స్తుతం వ‌రుస చిత్రాల్లో న‌టిస్తూ బిజీగా వుంది. ఎంత బిజీ అంటే వ‌చ్చే ఏడాది వ‌ర‌కు ఆమె డైరీ ఫుల్ అయిపోయింది.
తెలుగులో మూడు క్రేజీ చిత్రాల్లో న‌టిస్తోంది. త‌మిళంతో పాటు మ‌ల‌యాళంలోనూ భారీ చిత్రాల్లో న‌టిస్తోంది. అందులో ఒక‌టి ర‌జ‌నీకాంత్ చిత్రం. మ‌ల‌యాళంలో మోహ‌న్‌లాల్ న‌టిస్తున్న `మ‌ర‌క్కార్ అర‌బిక్క‌డ‌లైంట్ సింహం` ఒక‌టి. ఇదిలా వుంటే కీర్తి సురేష్ ఓ పొలిటిక‌ల్ లీడ‌ర్ త‌న‌యుడు, బిజినెస్‌మేన్‌ని పెళ్లాడ‌బోతోందంటూ ఇటీవ‌ల వ‌రుస క‌థానాలు వినిపించాయి.
అయితే ఈ వార్త‌ల్లో ఎలాంటి వాస్త‌వం లేద‌ని, ఈ రూమ‌ర్‌ల‌ని న‌మ్మ‌వ‌ద్ద‌ని కీర్తి సురేష్ స్ప‌ష్టం చేసింది. వ‌చ్చే ఏడాది వ‌ర‌కు త‌న డైరీ ఫుల్ అయిపోయింద‌ని. అలాంట‌ప్పుడు తాను ఎలా వివాహం చేసుకుంటాన‌ని కీర్తి ఎదురు ప్ర‌శ్నించిన‌ట్టు తెలిసింది. కీర్తి సురేష్ `రంగ్ దే` చిత్రంలో న‌టిస్తోంది. వెంకీ అట్లూరి డైరెక్ట్ చేస్తున్న ఈ చిత్రంలో నితిన్ హీరో. ఈ సినిమాకు సంబంధించిన ఫ‌స్ట్‌లుక్‌ని ఇటీవ‌లే ట్విట్ట‌ర్‌లో కీర్తిసురేష్ షేర్ చేసింది.