యూత్ స్టార్ నితిన్-హైద‌రాబాద్ కి చెందిన షాలిని కందుకూరి ప్రేమించి పెళ్లి చేసుకుంటున్న సంగ‌తి తెలిసిందే. దాదాపు గా ఇద్ద‌రు ఐదేళ్ల‌గా ప్రేమ‌లో ఉన్నారు. శుక్ర‌వారం జ‌రిగే ప్రీ వెడ్డింగ్ తో భార్య భ‌ర్త‌లు కాబోతున్నారు. అనంత‌రం ఎప్రిల్ 16న దుబాయ్ లో డెస్టినేష‌న్ త‌ర‌హా వెడ్డింగ్ జ‌ర‌గ‌నుంది. అందుకోసం విలాస‌వంత‌మైన ఖ‌రీదైన ప‌లాజ్జో వెర్స‌స్ హోట‌ల్ ని బుక్ చేసారు. ఈ వివాహానికి కుటుంబ స‌భ్యులు, స‌న్నిహితులు, స్నేహితుల మాత్ర‌మే హాజ‌ర‌వుతారు. అనంత‌రం హైద‌రాబాద్ లో సినీ రాజకీ ప్ర‌ముఖులంద‌రికీ గ్రాండ్ గా రిసెప్ష‌న్ ఏర్పాటు చేయ‌నున్నారు.
రేప‌టితో ప్రేమికులు కాస్తా…భార్య భ‌ర్త‌లుగా మారిపోతున్న నేప‌థ్యంలో నితిన్ త‌మ ప్రేమాయ‌ణం గురించి తొలిసారి నోరువిప్పారు. ఈ ఐదేళ్ల ల‌వ్ లో నితిన్ షాలిని ని ఎంతగా అర్ధం చేసుకున్నాడో? చెలి క‌త్తె చెలికాడిని ఎంతగా ప్రేమించింద‌న్న ఆస‌క్తిక‌ర సంగ‌త‌లు పంచుకున్నాడు. 2012లో షాలిని-నితిన్ ఒక‌ర్ని ఒక‌రు చూసుకున్నారుట. అదే తొలి క‌ల‌యిక‌ట అట. త‌ర్వాత ఒక‌ర్ని ఒక‌రు అర్ధం చేసుకోవ‌డానికి రెండేళ్లు స‌మ‌యం ప‌ట్టిందిట. ఆ త‌ర్వాతే ఇద్ద‌రి మ‌న‌సులో ప్రేమ ఉంద‌ని…ఆ ప్రేమ‌ను పెళ్లి బంధంతో ఒక‌టి చేయాల‌ని భావించిన‌ట్లు తెలిపారు.
నితిన్ ప్రియురాలికి ఒంటి కాలిమీద నిల‌బ‌డి ప్ర‌పోజ్ చేసాడుట. సాధార‌ణంగా ప్రేమించిన అమ్మాయికి ప్ర‌పోజ్ చేయ‌డం అంటే మోకాలిపై కూర్చొని ప్ల‌వ‌ర్ ఇచ్చి ప్రేమిస్తాన్నా…విల్ యు మేరీ మీ అని అడుగుతారు. అటుపై గులాబీల‌తో ముంచెస్తారు. కానీ నితిన్ అలా అడ‌గ‌ల‌దేని…ఒంటి కాలిమీద ప్ర‌పోజ్ చేసి షాలినిని న‌వ్వించాడుట. నితిన్ సినిమాలు అన్ని షాలిని చూసిందిట. త‌న ఒపినీయ‌న్ ని ఉన్న‌ది ఉన్న‌ట్లు ముఖం మీద‌నే చెప్పేస్తుందిట. నితిన్ కెరీర్ ప‌ట్ల షాలిని లో ఆ క్వాలిటీ ఎంతో న‌చ్చింద‌ని తెలిపాడు.