బిజెపి నేత సుబ్రమణ్య స్వామి సీఎం కేసీఆర్ కు ఘాటైన లేఖ రాశారు. పరిపూర్ణానంద స్వామి నగర బహిష్కరణను వ్యతిరేకిస్తూ ఆయన సీఎం కేసిఆర్ కు లేఖ రాశారు. పరిపూర్ణానంద పై ప్రభుత్వం తీసుకున్న నిర్ణయం హేయమైన చర్య అని ఆయన విమర్శించారు. ఆ లేఖ సారాంశం తెలుగులో మీ కోసం…
తెలంగాణ ప్రభుత్వానికి ఎంపీ సుబ్రమణియన్ స్వామి లేఖాస్త్రం
TO తేదీ:19జూలై,2019
కె.చంద్రశేఖర్ రావు
ముఖ్యమంత్రి
తెలంగాణ రాష్ట్రం.
విషయం: 10 జూలై 2018 రోజున స్వామి పరిపూర్ణానంద వారిని బహిష్కరణకు సంబంధించి మీ ప్రభుత్వం-పోలీసులు తీసుకున్న నిర్ణయానికి వ్యతిరేకంగా..రాస్తున్న లేఖ
ప్రియమైన చంద్రశేఖర్ జీ!
తెలంగాణ ప్రివెన్షన్ ఆఫ్ యాంటీ-సోషల్ అండ్ హాజర్డస్ యాక్టివిటీస్ యాక్ట్ 1980. U/S 3 ప్రకారం స్వామి పరిపూర్ణానంద వారిని బహిష్కరణకు గురిచేస్తూ మీ ప్రభుత్వం తీసుకున్న నిర్ణయానికి సంబంధించిన విషయాన్ని మీ దృష్టికి తీసుకువస్తున్నాను.
మీ ప్రభుత్వం తీసుకున్న ఈ నిర్ణయం నన్ను ఆశ్చర్యానికి గురిచేసింది. మీ ప్రభుత్వాధికారులు సెక్షన్ 3 ని అనుసరించి స్వామీజీని బహిష్కరిస్తున్నట్లు నిర్ణయం తీసుకున్నామని తెలిపారు. నాకు తెలిసినంత వరకు ఈ బహిష్కరణ వేటును కేవలం గుండాలకు, రౌడీలు, సంఘవిద్రోహశక్తులకు మాత్రమే విధిస్తారు.
ఈ సెక్షన్ ప్రకారం బహిష్కరణ వేటు కేవలం రౌడీలకు మాత్రమే వర్తిస్తుందని ఆ చట్టమే చెబుతోంది. అలాంటిది ఒక స్వామీజీపై ఈ సెక్షన్ ను ఎలా ప్రయోగిస్తారు ? అది కూడా ఒక సర్వసంఘపరిత్యాగి…, సమాజంలో ఎంతో గౌరవమర్యాదలు, పేరుప్రఖ్యాతలు కలిగిన ఒక సన్యాసిని అవమానించేలా…,వారి ప్రతిష్టకు భంగం కలిగించేలా ఈ నిర్ణయం తీసుకున్నారనే భావన కలిగిస్తోంది. అసలు ఈ సెక్షన్ ను స్వామీజీపై ప్రయోగించి మీరు ఈ సమాజానికి ఏం సంకేతాలు ఇవ్వదలుచుకుంటున్నారు.?
అంతేకాదు ఈ సెక్షన్ ప్రయోగించి స్వామీజీపై బహిష్కరణ వేటువేయడం అంటే… భారత రాజ్యాంగంలోని ఆర్టికల్ 19-(1)(a) ,19(1)(d) మరియు 19(1)(b) ప్రకారం వారి ప్రాథమిక హక్కులను భంగపర్చడమే.! వాక్ స్వాతంత్ర్యం, భావప్రకటన స్వేచ్ఛా, అటు భారత భూభాగంలో ఎక్కడైన స్వేచ్ఛగా సంచరించే స్వేచ్ఛా హక్కు , అలాగే శాంతియుతంగా సభలు, సమావేశాలు నిర్వహించుకునే హక్కులను ప్రభుత్వం హరించడమే అవుతుంది.!
భారత న్యాయసూత్రాలను, చట్టాలను విస్మరించి అధికారులు ఈ నిర్ణయం తీసుకున్నారని స్పష్టమవుతోంది. కావునా .., మీ ప్రభుత్వం తీసుకున్నబహిష్కరణ నిర్ణయాన్నివెంటనే వెనక్కితీసుకుంటారని ఆశీస్తున్నాను. ఇది నా వినయ పూర్వక సలహాగా గ్రహించగలరు! లేదంటే మీ ప్రభుత్వం తీసుకున్న ఈ చట్టవ్యతిరేక నిర్ణయంపై నేను న్యాయస్థానానికి వెళ్లవలసి ఉంటుంది! ఆ తర్వాత జరిగే పరిణమాలకు మీరు సిద్ధంగా ఉండండి!
మీ భవదీయుడు
సుబ్రమణియన్ స్వామి
from
సుబ్రమణియన్ స్వామి, రాజ్యసభ సభ్యులు
ఇ.నెం.AB-14, పండరా వీధి, న్యూఢిల్లీ 110 003.
—–