ప్రముఖ మొబైల్ కంపెనీ ఒప్పో తాజాగా మరొక కొత్త స్మార్ట్ ఫోన్ లాంచ్ చేయనున్నట్లు ప్రకటించింది. ఒప్పో సంస్థ ఫాల్డబుల్ ఫోన్ లాంచ్ చేయనున్నట్లు గత కొంతకాలంగా వార్తలు వినిపిస్తున్నాయి. తాజాగా ఈ వార్తలు నిజమని ఒప్పో సంస్థ అధికారికంగా ప్రకటించింది. సామ్‌సంగ్ తర్వాత ఒప్పో సంస్థ ఈ ఫోల్డబుల్ ఫోన్‌ను ప్రవేశపెట్టడం విశేషం. ఒప్పో ఫైండ్ ఎన్2 పేరుతో ఈ సరికొత్త ఫోన్ రిలీజ్ చేయనున్నారు.
ఫిబ్రవరి 15 న ఒప్పో ఫైండ్ ఎన్2 ఫోన్‌ను కంపెనీ మార్కెట్లో రిలీజ్ చేయనుంది. ఈ సరికొత్త ఓప్పో ఫైండ్ ఎన్ 2 ధర రూ.82,999గా ఉంటుందని కంపెనీ వర్గాల నుండి అందుతున్న సమాచారం. 2022 డిసెంబర్ జరిగిన లాంచ్ ఈవెంట్‌లో మొదటిసారిగా చైనాలో ఈ ఒప్పో ఫైండ్ ఎన్2 ఫోన్ లాంచ్ చేశారు. ఒప్పో కంపెనీ రిలీజ్ చేయనున్న ఈ ఫోల్డబుల్ ఫోన్ పింక్, బ్లాక్ కలర్లలో వినియోగదారులను ఆకట్టుకునేలా ఉంది.
అలాగే 6.8 అంగుళాల డిస్‌ప్లేతో వచ్చే ఈ ఫోన్ 120 హెచ్‌జెడ్ రిఫ్రెష్ రేట్‌తో పాటు ఔటర్ డిస్‌ప్లే 3.62 అంగుళాలతో వినియోగదారులను ఆకట్టుకునేలా ఉంది. మిడియా టెక్ ప్రాసెసర్‌తో వచ్చే ఈ ఫోన్‌లో 16 జీబీ+512 జీబీబీ వేరియంట్‌తో వచ్చే అవకాశం ఉందని మార్కెట్ వర్గాలు అంచనా వేస్తున్నాయి. 50 ఎంపీ ప్రైమరీ కెమెరాతో పాటు 8 ఎంపీ వైడ్ యాంగిల్ కెమెరా సెటప్ ప్రత్యేక ఆకర్షణగా నిలవనుంది. అలాగే 5 జీ సపోర్ట్‌తో వచ్చే ఈ ఫోన్‌లో 44 వాట్స్ సూపర్ ఫాస్ట్ చార్జింగ్ సపోర్ట్‌తో 4300 ఎంఏహెచ్ బ్యాటరీ ఉంటుంది. వీటితో పాటు సైడ్ మౌంటెడ్ ఫింగర్ ప్రింట్ స్కానర్‌తో పాటు ఇతర అడ్వాన్స్డ్ ఫీచర్లు అన్నీ ఉన్నాయి.