తమిళనాడు ముఖ్యమంత్రి పీఠం ఎక్కిన తర్వాత మన దళపతి, సారీ సారీ.. సీఎం విజయ్ గారు ఫస్ట్ టైం విదేశీ విమానం ఎక్కుతున్నారు. ఈ నెల 10వ తేదీన ఆయన బ్రిటన్ రాజధాని లండన్ నగరంలో ల్యాండ్ అవ్వబోతున్నారు. సీఎం గారు విదేశాలకు వెళ్తున్నారనగానే ఎప్పటిలాగే పార్టీ తమ్ముళ్లు “తమిళనాడుకు వందల కోట్ల పెట్టుబడులు తెచ్చేందుకే మా సార్ వెళ్తున్నారు” అంటూ పెద్ద పెద్ద స్టేట్మెంట్లు ఇచ్చేస్తున్నారు. అయితే, చెన్నై పాలిటిక్స్ అబ్జర్వర్లు మాత్రం.. “అంత సీన్ లేదు బాసూ.. అక్కడ కథ వేరే ఉంది” అంటూ పెదవి విరుస్తున్నారు.
అసలు మ్యాటర్ ఏంటంటే.. గత కొన్నాళ్లుగా విజయ్ గారు, ఆయన భార్య సంగీత గారి మధ్య ‘సంగీతం’ కాస్త తప్ తాలం పడిందని, ఇద్దరూ విడిపోతున్నారంటూ సోషల్ మీడియాలో బోలెడన్ని కథనాలు వచ్చాయి. కట్ చేస్తే, మొన్న ఆగస్టులో సంగీత గారు కోర్టుకెళ్లి సైలెంట్గా తన విడాకుల పిటిషన్ను వెనక్కి తీసేసుకున్నారు. ఆ కేసు క్లోజ్ అయి నెల రోజులు కూడా గడవక ముందే సీఎం విజయ్ గారికి లండన్ గుర్తొచ్చేసింది. ప్రస్తుతం సంగీత గారు లండన్లోనే సెటిల్ అయ్యారు కాబట్టి.. ఈ టూర్ వెనుక అసలు స్క్రిప్ట్ ‘పెట్టుబడులు’ కాదని, భార్యామణిని కలిసి ఇన్నాళ్ల గ్యాప్ను ఫినిష్ చేసే ‘పర్సనల్ రీ-యూనియన్’ ప్రోగ్రామ్ అని చెన్నై జనాలు నవ్వుకుంటున్నారు.
ఇక మన టీవీకే పార్టీ వర్గాలు మాత్రం ఈ పర్సనల్ టాపిక్ను డైవర్ట్ చేయడానికి తెగ కష్టపడిపోతున్నాయి. “అయ్యో.. మా సీఎం గారికి పర్సనల్ లైఫ్ కంటే తమిళనాడు అభివృద్ధే ముఖ్యం.. లండన్ పారిశ్రామికవేత్తలతో ఆయన బిజీ బిజీగా మీటింగులు పెట్టబోతున్నారు” అంటూ కలరింగ్ ఇస్తున్నారు. కేంద్ర విదేశాంగ శాఖ అనుమతి పత్రాలను చూపిస్తూ రూమర్లకు బ్రేకులు వేసే ప్రయత్నం చేస్తున్నారు. మరి దళపతి లండన్ వెళ్లి నిజంగానే బ్రిటిష్ వ్యాపారస్తులతో ‘డీల్స్’ మాట్లాడతారా, లేక భార్యతో కలిసి లండన్ వీధుల్లో షికార్లు కొడతారా అనేది తెలియాలంటే కొన్నాళ్లు వెయిట్ చేయాల్సిందే.