Balayya And Nani Movies : గత ఏడాది చిట్ట చివర నెల అయినటువంటి డిసెంబర్ లో వచ్చిన సినిమాలు మాత్రం టాలీవుడ్ ఆడియెన్స్ ని మాత్రమే కాకుండా టోటల్ ఇండియన్ వైడ్ ఆడియెన్స్ ని మెప్పించే విధంగా ఉన్నాయని చెప్పాలి. మరి వీటిలో మొదటగా నందమూరి నటసింహం నందమూరి బాలకృష్ణ హీరోగా ప్రగ్యా జైస్వాల్ హీరోయిన్ గా బోయపాటి శీను దర్శకత్వంలో తెరకెక్కించిన మహా మాస్ చిత్రం “అఖండ” ఒకటి కాగా..
మరొకటి నాచురల్ స్టార్ నాని హీరోగా సాయి పల్లవి, కృతి శెట్టి లు హీరోయిన్లుగా టాక్సీ వాలా ఫేమ్ రాహుల్ దర్శకత్వం వహించిన చిత్రం “శ్యామ్ సింగ రాయ్” ఒకటి. ఓ రకంగా ఈ రెండు సినిమాలు కూడా ఈ ఇద్దరు స్టార్ట్ హీరోలకి వెండితెరపై అదిరిపోయే కం బ్యాక్ చిత్రాలు అని చెప్పాలి.
మరి వెండితెరపై అలరించడం అయ్యాక ఈ రెండు సినిమాలు కూడా ఒకే రోజున ఓటీటీ లో రిలీజ్ అయ్యి షాకింగ్ రెస్పాన్స్ ని కొల్లగుడుతున్నాయి. ఓ పక్క బాలయ్య అఖండ హాట్ స్టార్ లో రికార్డ్ వ్యూస్ తో స్ట్రీమింగ్ అవుతుండగా ఇంకో పక్క నాని శ్యామ్ సింగ రాయ్ నెట్ ఫ్లిక్స్ లో ఇండియా వైడ్ నెంబర్ 1 స్థానంలో ట్రెండ్ అవుతూ నిలిచింది. దీనితో ఓటీటీ వీక్షకులను ఈ రెండు సినిమాలు మళ్లీ ఓ రేంజ్ లో అలరిస్తున్నాయని అర్థం అవుతుంది.