ఈరోజు ఆంధ్ర ప్రదేశ్ పదవ తరగతి ఫలితాలు విడుదల చేస్తామని విద్యాశాఖ అధికారులు ప్రకటించిన సంగతి తెలిసిందే. దీంతో ఆంధ్రప్రదేశ్ పదో తరగతి విద్యార్థులు అంతా తమ ఫలితాల కోసం బాగా ఎదురు చూస్తున్నారు. కానీ అంతలోనే విద్యాశాఖ అధికారులు విద్యార్థులకు చేదు వార్త ను వినిపించారు.
మరికొద్ది సేపట్లో ఫలితాలు విడుదల అవుతాయన్న సమయంలోనే సాంకేతిక లోపాల వల్ల ఫలితాలు విడుదల చేయలేక పోతున్నాము అని విద్యాశాఖ అధికారులు తెలిపారు. ఇక దానిని పరిష్కరించేందుకు అధికారులు ప్రయత్నం చేశామని కానీ ఫలితం లేదు అని అధికారులు స్పష్టం చేశారు. దీంతో ఫలితాలను సోమవారం నాడు విడుదల చేస్తామని ప్రకటించారు.