ముఖ్యమంత్రి కేసీఆర్‌ అసెంబ్లీలో ప్రకటించిన ఖాళీలకు సంబంధించిన నోటిఫికేషన్‌‌లు త్వరలో విడుదల కానున్నాయి. ముందుగా 18,334 పోస్టుల భర్తీకి పోలీస్‌ శాఖ రంగం సిద్ధం చేసింది. ప్రభుత్వం వారంలో గ్రీన్‌సిగ్నల్‌ ఇస్తే.. ఆ తర్వాత ఒకట్రెండు రోజుల్లో నోటిఫికేషన్‌ వచ్చే అవకాశం ఉంది. ఈ నోటిఫికేషన్‌ ద్వారా తెలంగాణ స్పెషల్‌ పోలీస్‌ బెటాలియన్, సివిల్, ఆర్మ్‌డ్‌(ఏఆర్‌), కమ్యూనికేషన్‌ విభాగాల్లో పోస్టులను భర్తీ చేయనున్నట్లు తెలిసింది. 1,500కు పైగా సబ్‌ ఇన్‌స్పెక్టర్‌ ఆఫ్‌ పోలీస్‌ పోస్టులను కూడా భర్తీ చేయనున్నట్లు సమాచారం. ఇక మిగిలిన పోస్టులు కానిస్టేబుల్‌ ( ఆర్మ్‌డ్‌ రిజర్వ్‌(ఏఆర్‌), టీఎస్‌ఎస్‌పీ, కమ్యూనికేషన్‌ విభాగాల్లో) నియామకానికి ప్రతిపాదించినట్లు పోలీస్‌ వర్గాలు వెల్లడించాయి.
గుడ్ న్యూస్.. 18,334 పోస్టుల భర్తీకి పోలీస్‌ శాఖ నిర్ణయం!
