నిన్నటి నుంచి సూపర్ స్టార్ మహేష్ బాబు మరియు సెన్సేషనల్ స్టార్ హీరో విజయ్ దేవరకొండల తాజా చిత్రాలు “సర్కారు వారి పాట” మరియు “లైగర్” చిత్రాలు ఒకే తేదీలో పోటీ పడుతున్నాయని ఓ టాక్ వైరల్ అవ్వడం మొదలయ్యింది. ఏప్రిల్ 1నే ఈ రెండు సినిమాలు వస్తాయని నడుస్తున్న ఈ టాక్ కి ఇప్పుడు ఇండస్ట్రీ నుంచే ఒక క్లారిటీ వచ్చింది.
ఈ రెండు సినిమాలుపై నడుస్తున్న ప్రచారంపై ఎలాంటి నిజం లేదని రెండు సినిమాలు కూడా వేరు వేరుగా రిలీజ్ అవుతాయని కన్ఫర్మ్ చేశారు. ఇది కూడా టాలీవుడ్ సినిమాలకి పి ఆర్ ఓ గా వర్క్ చేసే ప్రముఖ కంపెనీ జి ఎస్ కె మీడియా వారు కన్ఫర్మ్ చేశారు. సో ఈ గాసిప్స్ లో ఎలాంటి నిజం లేదని చెప్పాలి. ఇక మహేష్ సినిమాని దర్శకుడు పరశురామ్ పెట్ల తీస్తుండగా విజయ్ సినిమాని పూరి జగన్నాథ్ భారీ లెవెల్లో తీస్తున్నారు.