Wild Dream Against Actress : స్వరా భాస్కర్.. హైద్రాబాదీ మూలాలున్న బాలీవుడ్ నటి. వివాదాలకు కేరాఫ్ అడ్రస్ ఈ బ్యూటీ. అయితే, నిజాన్ని నిర్భయంగా మాట్లాడగలిగే తెగువ వున్న అతికొద్దిమంది అందాల భామల్లో స్వరా భాస్కర్ పేరు ముందు వరుసలోనే వుంటుంది. అలాగని, అన్ని సందర్భాల్లోనూ ఆమె మాటల్లో నిజాన్ని చూడలేం. కొన్నిసార్లు ఓవర్ రియాక్ట్ అవుతుంటుంది చిన్న చిన్న విషయాలకి.
సరే, ఎవరి మనోగతం వారిది. ఎవరి ఆలోచనలు వాళ్ళవి. ఎవరి వ్యూహాలు వాళ్ళవి. పబ్లిసిటీ కోసమో, ఇంకో కారణంతోనో.. స్వరా భాస్కర్ మంచి నటి అని మాత్రమే కాదు, వివాదాల నటి అనే గుర్తింపు కూడా తెచ్చుకుంది. ఇప్పుడీ హీరోయిన్ ప్రస్తావన ఎందుకంటారా.? ఆమెకు కోవిడ్ సోకింది.
‘ఇకనేం, చచ్చిపో.. చచ్చాక కూడా నీకు మనశ్శాంతి వుండకూదు..’ అంటూ నెటిజనం, స్వరాభాస్కర్ మీద విరుచుకుపడుతున్నారు సోషల్ మీడియా వేదికగా. మరోపక్క, స్వరా భాస్కర్ త్వరగా కోలుకోవాలంటూ పలువురు సెలబ్రిటీలు ఆకాంక్షిస్తున్నారు. ఆమె అభిమానులు కూడా, ‘నువ్వు ఫైటర్వి.. నువ్వు గెలుస్తావ్ కోవిడ్ మీద పోరాటంలో..’ అంటూ ఆమెలో కొత్త ఉత్సాహం నింపుతున్నారు.
‘నాకేమీ కాదు. స్వల్ప లక్షణాలే వున్నాయి. బహుశా రెండు డోసుల వ్యాక్సిన్ తీసుకోవడం వల్లే సీరియస్ సమస్యలు లేవేమో.. త్వరగా కోలుకుంటాను..’ అంటూ స్వరా భాస్కర్ సోషల్ మీడియా వేదికగా అభిమానుల్ని ఉద్దేశించి ప్రకటనలు చేస్తోంది.
ఏదిఏమైనా, నెటిజన్ల పైశాచికానందం క్షమించరాని నేరమే. కష్టం ఎవరిదైనా ఒకటే. ఆమె అభిప్రాయాలు నచ్చకపోతే విభేదించొచ్చుగానీ, ఆమె చచ్చిపోవాలని కోరుకోవడమేంటి.?