ఆంధ్ర ప్రదేశ్ తెలుగుదేశం పార్టీ ట్విట్టర్ తాజాగా సైబర్ నేరగాళ్ల చేతిలో చిక్కుకుంది. ఎలాన్ మస్క్ కు చెందిన ‘స్పేస్ ఎక్స్’ ఫోటోలను అందులో షేర్ చేశారు. అంతేకాకుండా అర్థం కాని విచిత్రమైన ట్వీట్ లను కూడా చేస్తున్నట్లు తెలిసింది. తాజాగా ఈ విషయం గురించి టీడీపీ ప్రకటించింది.
తెలుగుదేశం పార్టీ జాతీయ ప్రధాన కార్యదర్శి ఈ విషయం గురించి తన ట్విట్టర్ వేదికగా తెలిపాడు. తమ అధికారిక ట్విట్టర్ ఖాతా హ్యాక్ అయిందని అన్నారు. ఇక ట్విట్టర్ ఇండియా సహకారంతో తమ ఖాతాను పునరుద్ధరించే ప్రయత్నాలు జరుగుతున్నాయని తెలిపాడు. ఇక ఈ విషయం గురించి పలువురు తెలుగుదేశం పార్టీ నాయకులు కూడా స్పందించారు.