ఖిలాడి సినిమాతో మాస్ మహారాజ రవితేజ మళ్ళీ బాక్సాఫీస్ వద్ద కొత్త రికార్డ్స్ క్రియేట్ చేయడానికి రెడీ అవుతున్నాడు. రమేష్ వర్మ రీసెంట్ గా రాక్షసుడు సినిమాతో భారీ కమర్షియల్ హిట్ అందుకున్నాడు. గతంలో రమేష్ వర్మ – రవితేజ కాంబినేషన్ లో వీర వచ్చి డీసెంట్ హిట్ గా నిలిచింది. మళ్ళీ ఇంతకాలాని ఈ ఇద్దరి కాబినేషన్ లో ఖిలాడి రూపొందుతోంది. ఈ ఏడాది ప్రారంభంలో సంక్రాంతికి క్రాక్ సినిమాతో వచ్చిన రవితేజ బాక్సాఫీస్ వద్ద భారీ కమర్షియల్ హిట్ ని అందుకొని మళ్ళీ సక్సస్ ట్రాక్ మీదకి వచ్చాడు.
ఈ క్రమంలో నెక్స్ట్ సినిమాలని సెట్స్ మీదకి తీసుకు వస్తున్నాడు. ఇప్పటికే రమేష్ వర్మ – రవితేజ ల ఖిలాడి సెట్స్ మీదకి వచ్చి శరవేగంగా షూటింగ్ జరుపుకుంటోంది. ఇటీవలే ఖిలాడి సినిమా నుంచి ఫస్ట్ గ్లింప్స్ వచ్చి సినిమా ఏ రేంజ్ లో ఉండబోతోందో రవితేజ క్యారెక్టర్ ఏంటో క్లారిటీ ఇచ్చింది. రమేష్ వర్మ ఖిలాడిలో రవితేజ ని హై ఓల్టేజ్ క్యారెక్టర్ లో చూపించబోతున్నాడని హింట్ ఇచ్చాడు. ఇక ఈ సినిమాలో రవితేజ డ్యూయల్ రోల్ లో నటిస్తుండగా పెన్ స్టూడియోస్ అధినేత జయంతి లాల్ గడ సమర్పణలో హవీష్ ప్రొడక్షన్స్ బ్యానర్ పై సత్యనారాయణ కోనేరు భారీ బడ్జెట్ తో నిర్మిస్తున్నారు.
రాక్ స్టార్ దేవీశ్రీప్రసాద్ సంగీతం అందిస్తున్న ఈ సినిమా మ్యూజికల్ గా కూడా సూపర్ హిట్ అయ్యేలా రమేష్ వర్మ ప్లాన్ చేస్తున్నాడట. ఇక ఈ సినిమాలో హీరోయిన్స్ గా మీనాక్షి చౌధరి – డింపుల్ హయతి నటిస్తున్నారు. మహారాజా రవితేజ ఖిలాడి కూడా మే 28 న రిలీజ్ చేస్తున్నట్టు తాజాగా ప్రకటించారు. క్రాక్ సినిమాను మించి ఖిలాడి భారీ హిట్ అందుకునేలా రవితేక డబుల్ ఎనర్జీతో చేస్తున్నాడట. కాగా రవితేజ నుంచి ఈ ఏడాది చివరిలో మరో సినిమా ని కూడా తీసుకు వచ్చేందుకు ప్లాన్ చేసుకుంటున్నాడు. ఆ ప్రాజెక్ట్ త్రినాథ నావు నక్కిన దర్శకత్వంలో తెరకెక్కే కామెడీ ఎంటర్‌టైనర్ అని సమాచారం. మొత్తానికి గత మూడేళ్ళుగా రవితేజ నుంచి హిట్స్ రాక రేస్ లో వెనకబడగా మళ్ళీ రేస్ లోకి దూసుకొచ్చాడు.