Rajamouli And Mahesh Babu Movie : అసలు ఎలాంటి సందేహం కూడా పెట్టుకోకుండా టాలీవుడ్ లో ఉన్న హీరోల్లో నేషనల్ లెవెల్ లుక్ ఉన్న హీరోస్ లిస్ట్ లో సూపర్ స్టార్ మహేష్ ని కూడా పెట్టొచ్చని చెప్పాలి. మహేష్ నుంచి పాన్ ఇండియా ఎంట్రీ ఎప్పుడెప్పుడు ఉంటుందా అని అంతా ఆసక్తిగా ఎదురు చూస్తుండగా..
సరైన దర్శకుడు రాజమౌళితోనే ఆ ఎంట్రీ కూడా అనౌన్స్ చెయ్యడంతో ఈ కాంబినేషన్ పై అంచనాలు అధికారికంగా అనౌన్స్ చెయ్యకుండానే పీక్స్ లోకి వెళ్లిపోయాయి. అయితే ఇక అక్కడ నుంచి అసలు ఈ కాంబోలో సినిమా ఏ జానర్ లో ఉంటుంది అనే మిలియన్ డాలర్ ప్రశ్న అందరిలో స్టార్ట్ అయ్యింది.
దానికి ఈ సినిమా ఒక అడ్వెంచరస్ బ్యాక్ డ్రాప్ లో అందులోని ఆఫ్రికన్ కథలా ఉంటుంది అని హింట్ వచ్చింది. అయితే లేటెస్ట్ గా ఒక షాకింగ్ రూమర్ ఈ సినిమాపై ఇండస్ట్రీ వర్గాలలో మెల్లగా వినిపిస్తుంది. ఈ చిత్రాన్ని రాజమౌళి “టార్జాన్” తరహా తెరకెక్కించబోతున్నారని కొన్ని ఊహాగానాలు వినిపిస్తున్నాయి.
అయితే ఇందులో ఎంతవరకు నిజముందో కానీ ఇది మాత్రం మహేష్ ఫ్యాన్స్ కి షాకింగ్ అంశం అని చెప్పాలి. టార్జాన్ గెటప్ లో మహేష్ ని ఎవరు ఊహించలేరు కూడా కాకపోతే సినిమా బ్యాక్ డ్రాప్ కి ఇది దగ్గర ఉండడం ఆలోచించదగేలా ఉంది. మరి దీనిపై అయితే క్లారిటీ వస్తే కానీ అభిమానులు కూడా కాస్త చల్లబడరు. ప్రస్తుతం అయితే మహేష్ బాబు “సర్కారు వారి పాట” షూట్ లో బిజీగా ఉన్నాడు.