Prabhas: యూవీ క్రియేషన్స్, టీ సిరీస్, గోపీకృష్ణ మూవీస్ వారు సంయుక్తంగా నిర్మిస్తున్న సినిమా రాధే శ్యామ్. ప్రభాస్ నటిస్తున్న ఈ పాన్ ఇండియా సినిమా కోసం అయన అభిమానులు ఎంతో ఆతృతగా ఎదురుచూస్తున్నారు.ఇప్పటికే ఈ సినిమా విడుదల కావాల్సి ఉండగా కొన్ని కారణాల వల్ల ఈ సినిమా వాయిదా పడుతూ వస్తుంది. ఈ క్రమంలోనే ఈ సినిమా అన్ని అడ్డంకులు దాటుకుని ఈనెల 11వ తేదీన ప్రేక్షకుల ముందుకు రావడానికి సిద్ధమైంది.ఈ సినిమా విడుదల తేది దగ్గర పడుతుండటంతో ఎవడు చిత్ర బృందం పెద్ద ఎత్తున ప్రమోషన్ కార్యక్రమాలు నిర్వహిస్తున్నారు.
ఈ సినిమా రిలీజ్ వేడుకలో కూడా చిత్రబృందం ఎంతో ఘనంగా నిర్వహించడానికి ప్లాన్ చేశారు. ఇదిలా ఉండగా ఈ సినిమాలో ప్రభాస్ సరసన పూజహెగ్డే హీరోయిన్ గా నటిస్తోంది. ఇక కృష్ణం రాజు కీలక పాత్రలో నటిస్తున్నారు. ఈ చిత్రంలో ప్రభాస్ ఒక ఫేమస్ జోతిష్యుడుగా పూజా హెగ్డే మధ్య సాగే ప్రేమ కథ అద్భుతంగా తీశారు డైరెక్టర్ రాధాకృష్ణ కుమార్. ఇప్పటికే విడుదలైన టీజర్ ప్రభాస్ ఫ్యాన్స్ నే కాదు సగటు సినిమా ప్రేక్షకుడిని ఆకట్టుకుంది.
ఇక ఈ సినిమా బ్యాక్ గ్రౌండ్ వాయిస్ ఓవర్ హిందీలో బిగ్ బి అమితాబ్ బచ్చన్ చెప్పారు. తెలుగులో డైరెక్టర్ రాజమౌళి వాయిస్ ఓవర్ ఇచ్చారు. ఇక ఇపుడు తమిళ్ వెర్షన్ కోసం బాహుబలి కట్టప్ప అయిన సత్యరాజ్ ను చిత్ర యూనిట్ సంప్రదించింది.ఆయన సినిమా కథను చెప్పబోతున్నారు. ఇలా ఈ సినిమా విజయం కోసం ఎంతో మంది సినీ ప్రముఖులను రంగంలోకి దిగి ఈ సినిమా కోసం కష్టపడుతున్నారు. బాహుబలి సాహో వంటి చిత్రాల తర్వాత ఈ సినిమా కావడంతో ఈ సినిమాపై ప్రేక్షకులు భారీ అంచనాలు పెట్టుకున్నారు. మరి ప్రభాస్ ఈ అంచనాలను చేరుకుంటారో లేదో తెలియాల్సి ఉంది.