Pushpa 2: టాలీవుడ్ ఐకాన్ స్టార్ అల్లు అర్జున్ హీరోగా నటించిన పుష్ప టు సినిమా కోసం దేశవ్యాప్తంగానే కాకుండా ప్రపంచవ్యాప్తంగా ఉన్న సినీ ప్రియులు ఎంతో ఆత్రుతగా ఎదురు చూస్తున్న విషయం తెలిసిందే. డిసెంబర్ 5న ఈ సినిమా గ్రాండ్గా విడుదల కాబోతోంది. ఇప్పటికే ఈ సినిమా నుంచి విడుదలైన పాటలు, ట్రైలర్, పోస్టర్స్ సినిమాపై అంచనాలను పెంచేశాయి. ఇక విడుదల తేదీకి పట్టుమని పది రోజులు కూడా సమయం లేకపోవడంతో మూవీ మేకర్స్ కూడా ఈ సినిమా ప్రమోషన్స్ ని వేగవంతం చేసేసారు.
అయితే ప్రమోషన్స్ కార్యక్రమాలు జరుగుతున్నప్పటికీ ఈ సినిమాకు సంబంధించిన ఆఖరి పోస్ట్ ప్రొడక్షన్ పనులు ఇంకా జరుగుతుండడంతో అభిమానులు కొంచెం ఆందోళన చెందుతున్నారు. ఇప్పటికి పూర్తవుతాయి. డిసెంబర్ 5 లోపు పూర్తి అవుతాయా లేదా అని చాలా టెన్షన్ పడుతున్నారు. అయితే తాజాగా అభిమానులకు మూవీ మేకర్స్ గుడ్ న్యూస్ తెలిపారు. అదేమిటంటే పుష్ప 2 షూటింగ్ ఇవ్వాలే పూర్తయిందట. నేడు పుష్ప 2 షూటింగ్ కి గుమ్మడికాయ కొట్టేసారట. మరో పక్క పోస్ట్ ప్రొడక్షన్ పనులు శరవేగంగా జరుగుతున్నాయి.
తాజాగా బిగ్ బాస్ బ్యూటీ, నటి దివి పుష్ప 2 సినిమాకు డబ్బింగ్ పూర్తి చేసింది. ఈ సినిమాలో దివి జర్నలిస్ట్ గా ఒక కీలక పాత్ర చేసింది. గతంలో రిలీజ్ చేసిన పుష్ప 2 గ్లింప్స్ లో దివి కనిపించిన విషయం తెలిసిందే. అయితే తాజాగా దివి పుష్ప 2 సినిమా డబ్బింగ్ పూర్తి చేసానని, ఈ సినిమాలో భాగం అయినందుకు చాలా సంతోషంగా ఉందని డబ్బింగ్ చెప్తున్న ఫోటోని తన సోషల్ మీడియాలో షేర్ చేసి తెలిపింది. అందుకు సంబంధించిన ఫోటో సోషల్ మీడియాలో వైరల్ అవ్వడంతో ఆమెకు థాంక్స్ చెబుతూనే అభిమానులు ఊపిరి పీల్చుకున్నారు. అనుకున్న సమయానికంటే ముందుగానే ఈ సినిమా పోస్ట్ ప్రొడక్షన్ పనులను పూర్తి చేసేశారు.