xRebel Star Prabhas: పాన్ ఇండియా స్టార్ హీరో యంగ్ రెబల్ స్టార్ ప్రభాస్ గురించి ప్రత్యేకంగా చెప్పాల్సిన పనిలేదు. బాహుబలి సినిమా తర్వాత ప్రపంచ స్థాయి హీరోగా ఎంతో మంచి గుర్తింపు సంపాదించుకున్న ప్రభాస్ ప్రస్తుతం వరుస సినిమాలతో ఎంతో బిజీగా ఉన్నారు. ప్రభాస్ నటించిన సినిమాలన్నీ కూడా అత్యంత భారీ బడ్జెట్ చిత్రాలు మాత్రమే కాకుండా పాన్ ఇండియా స్థాయి చిత్రాలు కావడం విశేషం. ఇక ఈ సినిమాలో నటించడానికి ప్రభాస్ ఏకంగా వంద కోట్లకు పైగా రెమ్యునరేషన్ తీసుకుంటున్నారు. ఇలా ప్రభాస్ పాన్ ఇండియా చిత్రాలలో నటిస్తూ ఎక్కువగా ముంబైలో ఉండటం వల్ల అతను ముంబాయిలో ఒక కొత్త ఇంటిని కొనుగోలు చేశారు.
ఇక హైదరాబాద్లో కూడా ప్రభాస్ కు ఎన్నో భవంతులు ఉన్నాయి. ఈ క్రమంలోనే హైదరాబాద్ లో మరొక కొత్త ఇంటిని కొనుగోలు చేయాలనే ఉద్దేశంలో ప్రభాస్ ఉన్నట్లు తెలుస్తోంది. ఈ క్రమంలోనే హైదరాబాద్లోని నానక్రామ్గూడ సినీ విలేజ్లో పెద్ద విల్లాను నిర్మించనున్నాడని టాక్. ఔటర్ రింగ్ రోడ్డుకు దగ్గరలో రూ.120 కోట్లతో రెండు ఎకరాలు భూమిని కొనుగోలు చేసిన ప్రభాస్ అక్కడ 80 కోట్లతో ఒక ఫామ్ హౌస్ లేదా ఒక భవంతిని నిర్మించాలనే ఆలోచనలో ఉన్నట్లు తెలుస్తుంది. ఇక్కడైతే ఎయిర్ పోర్టుకి దగ్గరగా ఉండడమే కాకుండా ఫాన్స్ హడావిడి కూడా తక్కువగా ఉంటుందని అందుకోసమే ఇక్కడ ఇంటి నిర్మించాలని ప్రభాస్ భావిస్తున్నట్లు తెలుస్తోంది.
ప్రస్తుతం పాన్ ఇండియా చిత్రాలతో బిజీగా ఉన్న ప్రభాస్ నెలకి కోట్లల్లో సంపాదిస్తున్నారు. ఈ క్రమంలోనే ఆ డబ్బుతో ఆస్తులను పోగు చేస్తున్నట్లు తెలుస్తోంది. ఇప్పటికే హైదరాబాద్లో జూబ్లీహిల్స్ వంటి ప్రాంతాలలో ఈయనకు విలాసవంతమైన ఇల్లు ఉండగా తాజాగా మరో ఇంటిని నిర్మించాలనే ఆలోచనలో ఉన్నట్టు తెలుస్తోంది. ఇక ప్రభాస్ సినిమాల విషయానికొస్తే ప్రస్తుతం ఈయన నటించిన రాధేశ్యామ్ సినిమా సంక్రాంతి కానుకగా ప్రేక్షకుల ముందుకు రాబోతోంది.