Posani Krishna Murali: టాలీవుడ్ నటుడు పోసాని కృష్ణ మురళి తాజాగా ఏపీ సీఎం జగన్ ను తాడేపల్లి లో కలిసారు. ఈ సందర్భంగా పోసాని మాట్లాడుతూ.. తన కుటుంబం కరోనా తో బాధపడుతున్న సమయంలో సీఎం జగన్, ఆయన భార్య మాట సహాయం చేశారని, ఏఎంజీ హాస్పిటల్ కి ఫోన్ చేసి మరీ మెరుగైన చికిత్స అందేలా చర్యలు తీసుకున్నారని తెలిపారు. అందుకే సీఎం జగన్ ను కలిసి తాను కృతజ్ఞతలు తెలిపినట్లు పోసాని వెల్లడించారు.
ఇక సినిమా టికెట్ రెట్ల విషయం గురించి మాట్లాడుతూ.. సినిమా టికెట్ల ధరల పెంపు ఈ విషయంలో ఏపీ ప్రభుత్వం ఇంకా ఎటువంటి నిర్ణయం తీసుకోలేదని, చిన్న సినిమాల నుంచి ప్రతిపాదనలు అందిన తరువాతే టిక్కెట్ల ధరల పై నిర్ణయం వస్తుందని తెలిపారు. ఇక సీఎం ని కలిసినప్పుడు తాను సినిమా టికెట్ల ఈ విషయం గురించి మాట్లాడలేదు అని తెలిపారు పోసాని.