Gallery

Home News పెట్రో ధరలు తగ్గుతున్నాయ్.. జర జాగ్రత్త.!

పెట్రో ధరలు తగ్గుతున్నాయ్.. జర జాగ్రత్త.!

Petrol Price Decreasing, Huge Shock On The Way

దేశంలోని పలు రాష్ట్రాల్లో ఎన్నికలు జరుగుతున్నాయి కాబట్టి.. గత కొద్ది రోజులుగా నిలకడగా వున్న పెట్రో ధరలు.. ఇప్పడిప్పుడే కాస్త తగ్గడం మొదలయ్యాయి. అంతర్జాతీయ మార్కెట్లో ముడి చమురు ధరలు సానుకూలంగా వుండడంతోనే ఈ పరిస్థితి.. అని ఎవరన్నా చెబితే, అంతకన్నా హాస్యాస్పదం ఇంకోటుండదు.

దేశంలో అత్యంత చెత్త రాజకీయాలు నడుస్తున్నాయి. ‘వన్ నేషన్ వన్ రేషన్’ అంటున్నారు.. కానీ, పెట్రోలు విషయంలో మాత్రం దేశమంతా ఒకే రేటు.. ఒకే పన్ను.. అని పేర్కొంటూ పెట్రో ధరల్ని జీఎస్‌టీ పరిధిలోకి తీసుకురావడంలేదు. మామూలుగా అయితే చట్ట సభల్లో ‘మేం అంత అద్భుతంగా పాలన చేయబోతున్నాం.. ప్రజలపై భారం తగ్గించబోతున్నాం..’ అని చెప్పాలి ప్రభుత్వాలు. చిత్రంగా ఈ మధ్య, ‘మేం తగ్గించబోం.. మేం జీఎస్టీ పరిధిలోకి తీసుకురాం..’ అంటూ పెట్రో ధరల విషయమై కేంద్ర ప్రభుత్వం కుండబద్దలుగొట్టేస్తోంది. నిజానికి, ఇది అత్యంత బాధాకరమైన దోపిడీ. దీన్ని అత్యంత తీవ్రంగా ఖండించాల్సిన విపక్షాలు చేష్టలుడిగి చూస్తున్నాయి. ఒకప్పుడు లీటర్ పెట్రోలు ధర రూపాయి.. అదీ ఏ నెల రోజులకో, ఆర్నెళ్లకో పెరిగితే.. విపక్షాలు రోడ్డెక్కి ఆందోళనలు చేసేవి.. ప్రభుత్వాలూ దిగొచ్చేవి. కానీ, ఇప్పుడు ఆ పరిస్థితే లేదు.

లీటర్ పెట్రోలు ధర సెంచరీకి చేరువైనా.. ప్రభుత్వాలు బాధ్యతగా వ్యవహరించడంలేదు. అయితే, ఎన్నికలు జరుగుతున్నాయి గనుక.. పెట్రో ధరల్లో కొంత తగ్గుదల కనిపించడం మామూలే. ఈ తగ్గుదల.. ముందు ముందు పెరగబోయే దోపిడీకి నిదర్శనం. గతంలో కర్నాటక అసెంబ్లీ ఎన్నికల సమయంలో ఇదే జరిగింది. ఇప్పుడూ అదే జరుగుతోంది. రాష్ట్రాలూ, కేంద్రం.. సమతూకంగా దోచుకోవడం మొదలు పెట్టాక.. పెట్రో ధరలపై ఉద్యమాలు చల్లబడిపోవడం గమనించాల్సిన అంశం.

- Advertisement -

Related Posts

కరోనా ఎఫెక్ట్: ఈ ఏడాదైనా ఎన్టీవీ ‘కోటి దీపోత్సవం’ జరిగేనా..?

ప్రముఖ వార్తా చానెల్ ఎన్టీవీ ఆధ్వర్యంలో ప్రతి ఏటా కార్తీకమాసంలో కోటి దీపోత్సవం కార్యక్రమం జరుగుతున్న సంగతి తెలిసిందే. ప్రత్యక్షంగా వేలమంది భక్తులు పాల్గొనే ఈ కార్యక్రమాన్ని సంస్థకే చెందిన భక్తి చానెల్...

ఐటీ పాలసీ, EMC, డిజిటల్ లైబ్రెరీలపై సీఎం జగన్ సమీక్ష…పలు కీలక నిర్ణయాలు !

తాడేపల్లి: ఎపీ సీఎం క్యాంప్ ఆఫీస్‌లో ఐటీ పాలసీ, ఎలక్ట్రానిక్‌ మాన్యుఫాక్చరింగ్‌ క్లస్టర్స్(EMC) ,గ్రామాల్లో డిజిటల్ లైబ్రెరీల ఏర్పాటుపైన అధికారులతో సమీక్షించిన ముఖ్యమంత్రి జగన్ పలు కీలక నిర్ణయాలు తీసుకోవటం జరిగింది. ఈ...

ఇప్పటిదాకా ఆసుపత్రుల దోపిడీ, ఇకపై విద్యా సంస్థల దోపిడీ.

కరోనా సెకెండ్ వేవ్ నేపథ్యంలో ప్రైవేటు ఆసుపత్రులు అడ్డగోలుగా దోచేశాయ్. ఇప్పుడు ప్రైవేటు విద్యా సంస్థల వంతు వచ్చినట్టుంది. దోపిడీ షురూ అయ్యింది. వేలల్లో లక్షల్లో ఫీజుల్ని గుంజేస్తున్నాయి ప్రైవేటు విద్యా సంస్థలు....

Latest News